മൈക്രോവേവ്

അടുക്കളയിലെ ആവശ്യവസ്തുവായി മൈക്രോവേവ് മാറിക്കഴിഞ്ഞിരിക്കുന്നു. ഇത് വന്നതോടെ ഭക്ഷണം പാകം ചെയ്യുന്നത് എളുപ്പമായിട്ടുണ്ട്. എന്നാൽ ഈ അബദ്ധങ്ങൾ ഒഴിവാക്കണം.

മൈക്രോവേവിനുള്ളിൽ മൂടിയില്ലാതെ ഭക്ഷണം പാകം ചെയ്യാൻ പാടില്ല. മൂടി ഇല്ലാതെ പാകം ചെയ്യുമ്പോൾ ഭക്ഷണം അകത്ത് തുളുമ്പാൻ സാധ്യതയുണ്ട്.

അടുക്കളയിൽ ഉപയോഗിക്കുന്ന എല്ലാത്തരം പാത്രങ്ങളും മൈക്രോവേവിനുള്ളിൽ വെയ്ക്കാൻ സാധിക്കില്ല. അതിനാൽ തന്നെ മൈക്രോവേവ് സേഫ് ലേബലുള്ള പാത്രങ്ങൾ ഉപയോഗിക്കാൻ ശ്രദ്ധിക്കണം.

മൈക്രോവേവിൽ ഭക്ഷണങ്ങൾ പാകം ചെയ്യുമ്പോൾ അമിതമായ ചൂടിൽ ഇടരുത്. ഇത് ഭക്ഷണം ശരിയായ രീതിയിൽ പാകമായി കിട്ടുന്നതിന് തടസമാകുന്നു.

മൈക്രോവേവിൽ ഭക്ഷണം പാകം ചെയ്യുമ്പോൾ ഇടയ്ക്കിടെ ഇളക്കിക്കൊടുക്കാൻ ശ്രദ്ധിക്കണം. ഇല്ലെങ്കിൽ ഭക്ഷണം പൂർണമായും പാകമായി കിട്ടുകയില്ല.

മൈക്രോവേവിൽ പാകം ചെയ്യുമ്പോൾ ഭക്ഷണ സാധനങ്ങൾ തിക്കിനിറയ്ക്കാൻ ശ്രമിക്കരുത്. ഇത് ഭക്ഷണം ശരിയായ രീതിയിൽ പാകമായി കിട്ടുന്നതിന് തടസമാകുന്നു.

ഓരോ ഉപയോഗത്തിന് ശേഷവും മൈക്രോവേവ് നന്നായി വൃത്തിയാക്കാൻ ശ്രദ്ധിക്കണം. ഇല്ലെങ്കിൽ ഭക്ഷണാവശിഷ്ടങ്ങൾ തങ്ങി നിൽക്കുകയും അണുക്കളും ദുർഗന്ധവും ഉണ്ടാവുകയും ചെയ്യുന്നു.

ശരിയായ രീതിയിൽ ഉപയോഗിച്ചില്ലെങ്കിൽ ഉപകരണം പെട്ടെന്ന് കേടായിപ്പോകാൻ സാധ്യതയുണ്ട്.