അടുക്കള ഒരുക്കാം

വീട്ടിൽ ഏറ്റവും കൂടുതൽ സമയം ചിലവഴിക്കുന്ന സ്ഥലം അടുക്കളയാണ്. അതിനാൽ തന്നെ എപ്പോഴും ഭംഗിയോടെ സൂക്ഷിക്കേണ്ട ഇടമാണിത്.

ചുവരുകളിലും, ക്യാബിനറ്റ് ഡോറുകളിലും ഹൂക്ക് വയ്ക്കുന്നത് നല്ലതായിരിക്കും. സ്പൂൺ, ടവൽ തുടങ്ങിയ വസ്തുക്കൾ തൂക്കിയിടാൻ ഇത് സഹായകരമാകുന്നു.

എന്തു സാധനങ്ങളും അടുക്കള സ്ലാബിലാണ് നമ്മൾ സൂക്ഷിക്കാറുള്ളത്. എന്നാൽ സാധനങ്ങൾ നിറച്ചുവയ്ക്കാതെ കഴിവതും സ്ലാബ്‌ ഒഴിച്ചിടാൻ ശ്രദ്ധിക്കണം.

പ്ലാസ്റ്റിക് കവറുകളിലാക്കിയാണ് കടയിൽ നിന്നും സാധനങ്ങൾ നമുക്ക് ലഭിക്കുന്നത്. എന്നാൽ ഇത്തരം സാധനങ്ങൾ വായുകടക്കാത്ത പാത്രത്തിലാക്കി അടച്ചു സൂക്ഷിക്കുന്നതാണ് ഉചിതം.

അടുക്കള ചുവരുകൾ ഒഴിച്ചിടുന്നത് ഒഴിവാക്കണം. ഇവിടെ ഓപ്പൺ ഷെൽഫുകൾ നൽകിയാൽ കപ്പ്, പാത്രങ്ങൾ, ഗ്ലാസ് എന്നിവ വെയ്ക്കാൻ സാധിക്കും.

അടുക്കളയിൽ ഒന്നിൽകൂടുതൽ ഉപയോഗമുള്ള ഫർണിച്ചറുകൾ ഇടുന്നതാണ് ഉചിതം. ആവശ്യം കഴിഞ്ഞാൽ മടക്കി വെയ്ക്കാൻ സാധിക്കുന്ന ടേബിളുകൾ വാങ്ങാം.

അടുക്കളയിൽ ബാസ്കറ്റുകൾ ഉപയോഗിക്കുന്നത് നല്ലതാണ്. ഇത് സാധനങ്ങൾ അടുക്കും ചിട്ടയോടെയും വെയ്ക്കാൻ സഹായിക്കുന്നു.

ഫ്രിഡ്ജ്, സിങ്ക് എന്നിവയ്ക്കടുത്ത് വെർട്ടിക്കൽ സ്റ്റോറേജ് രൂപത്തിൽ ഓപ്പൺ ഷെൽഫ് നൽകുന്നത് കൂടുതൽ ഉപയോഗപ്രദമാണ്.