പച്ചക്കറികൾ

പച്ചക്കറികളിൽ ധാരാളം പോഷക ഗുണങ്ങൾ അടങ്ങിയിട്ടുണ്ട്. എന്നാൽ പച്ചക്കറികൾ പാകം ചെയ്യുമ്പോൾ ഇക്കാര്യങ്ങൾ നിങ്ങൾ ശ്രദ്ധിക്കണം.

പച്ചക്കറികളിലെ പോഷകങ്ങൾ നഷ്ടപ്പെടാതെ പാകം ചെയ്യാൻ ചെറിയ ചൂടിൽ വേവിക്കുന്നതാണ് ഉചിതം.

അമിതമായി ചൂടേൽക്കുമ്പോൾ പച്ചക്കറിയുടെ നിറവും രുചിയും ഗുണങ്ങളും നഷ്ടപ്പെടാൻ സാധ്യത കൂടുതലാണ്.

പച്ചക്കറികൾ വേവിക്കുമ്പോൾ ഏതെങ്കിലും എണ്ണ ഉപയോഗിക്കുന്നത് ഒഴിവാക്കണം. അവക്കാഡോ, ഒലിവ് ഓയിൽ എന്നിവ ചെറിയ അളവിൽ ഉപയോഗിക്കാവുന്നതാണ്.

പച്ചക്കറികൾ മൈക്രോവേവിൽ പാകം ചെയ്യുമ്പോൾ കുറച്ച് വെള്ളം മാത്രം ഉപയോഗിക്കാൻ ശ്രദ്ധിക്കണം. അതേസമയം അയഞ്ഞ മൂടി ഉപയോഗിച്ചാവണം പാകം ചെയ്യേണ്ടത്.

പ്രഷർ കുക്കർ ഉപയോഗിച്ച് പച്ചക്കറികൾ എളുപ്പം പാകം ചെയ്യാൻ സാധിക്കും. ഇതിന്റെ ഗുണങ്ങൾ നഷ്ട്ടപ്പെടുകയുമില്ല.

പച്ചക്കറികൾ വറുത്തുകഴിക്കുന്നതും രുചി കൂട്ടുന്നു. എന്നാൽ അമിതമായി വറുക്കരുത്. ഇത് പച്ചക്കറിയുടെ പോഷക ഗുണങ്ങൾ ഇല്ലാതാവാൻ കാരണമാകുന്നു.

കറി തയാറാക്കുമ്പോഴും പച്ചക്കറികൾ അതിലിട്ടു തന്നെ പാകം ചെയ്യാൻ ശ്രദ്ധിക്കണം. ഇങ്ങനെ ചെയ്യുമ്പോൾ പച്ചക്കറിയുടെ ഗുണങ്ങൾ നഷ്ടമാകുന്നില്ല.