പച്ചക്കറികൾ സൂക്ഷിക്കാം

ശരിയായ രീതിയിൽ പച്ചക്കറികൾ സൂക്ഷിച്ചില്ലെങ്കിൽ പെട്ടെന്ന് കേടായിപ്പോകുന്നു. മഴക്കാലത്ത് പച്ചക്കറികൾ കേടുവരാതിരിക്കാൻ ഇങ്ങനെ ചെയ്താൽ മതി.

മഴക്കാലത്ത് പ്രാണികളുടെ ശല്യം വർധിക്കുന്നു. അതിനാൽ തന്നെ പച്ചക്കറികൾ നന്നായി കഴുകിയതിന് ശേഷം ഉണക്കി സൂക്ഷിക്കാൻ ശ്രദ്ധിക്കണം.

ഇലക്കറികളിലെ വേരുകൾ മുറിച്ചു മാറ്റിയതിന് ശേഷം മാത്രം സൂക്ഷിക്കാൻ ശ്രദ്ധിക്കണം. കാരണം ഇതിൽ അഴുക്കും അണുക്കളും ഉണ്ടാവാൻ സാധ്യത കൂടുതലാണ്.

നല്ല വായുസഞ്ചാരമുള്ള സ്ഥലത്താവണം പച്ചക്കറികൾ സൂക്ഷിക്കേണ്ടത്. ഈർപ്പം തങ്ങി നിന്നാൽ ഇത് പെട്ടെന്ന് ഇല്ലാതാകുന്നു.

ഫ്രിഡ്ജ് നന്നായി കഴുകി വൃത്തിയാക്കിയതിന് ശേഷം മാത്രം പച്ചക്കറികൾ സൂക്ഷിക്കാം. അണുക്കൾ ഉണ്ടായാൽ പച്ചക്കറികൾ പെട്ടെന്ന് കേടായിപ്പോകുന്നു.

പച്ചക്കറികളും പഴങ്ങളും ഒരുമിച്ച് സൂക്ഷിക്കുന്നത് ഒഴിവാക്കണം. പഴുത്ത പഴങ്ങളിൽ നിന്നും എത്തിലീൻ പുറന്തള്ളുന്നതുകൊണ്ട് തന്നെ പച്ചക്കറികൾ പെട്ടെന്ന് കേടുവരാൻ കാരണമാകുന്നു.

പച്ചക്കറികൾ വായുകടക്കാത്ത പാത്രത്തിലാക്കി സൂക്ഷിക്കുന്നതാണ് ഉചിതം. വായു സമ്പർക്കം ഉണ്ടാവുമ്പോൾ ഇത് പെട്ടെന്ന് കേടായിപ്പോകുന്നു.

വെളുത്തുള്ളി, വേപ്പില, കറിവവേപ്പില എന്നിവ പച്ചക്കറികൾക്കൊപ്പം സൂക്ഷിക്കുന്നത് നല്ലതായിരിക്കും. ഇത് പച്ചക്കറികൾ കേടുവരുന്നതിനെ തടയുന്നു.