ഭക്ഷണ സാധനങ്ങൾ

ഭക്ഷണം ശരിയായ രീതിയിൽ സൂക്ഷിച്ചില്ലെങ്കിൽ പെട്ടെന്ന് കേടായിപ്പോകും. ഭക്ഷണ സാധനങ്ങൾ കേടുവരാതെ സൂക്ഷിക്കേണ്ടത് എങ്ങനെയാണെന്ന് അറിയാം.

എല്ലാത്തരം പഴങ്ങളും ഫ്രിഡ്ജിൽ സൂക്ഷിക്കാൻ കഴിയില്ല. ആപ്പിൾ, ഓറഞ്ച്, മാതളം എന്നിവ ഫ്രിഡ്ജിൽ സൂക്ഷിക്കാം. വാഴപ്പഴം, മാങ്ങ, പപ്പായ തുടങ്ങിയവ റൂം ടെമ്പറേച്ചറിലാണ് സൂക്ഷിക്കേണ്ടത്.

ബാക്കിവന്ന ഭക്ഷണങ്ങൾ മൂന്ന് ദിവസത്തിൽ കൂടുതൽ സൂക്ഷിക്കാൻ പാടില്ല. ഇത് കട്ടികുറഞ്ഞ പാത്രത്തിലാക്കി ഫ്രിഡ്ജിൽ സൂക്ഷിക്കുന്നതാണ് നല്ലത്.

ഈർപ്പവും അധികം വെളിച്ചവുമില്ലാത്ത സ്ഥലത്ത് വായുകടക്കാത്ത പാത്രത്തിലാക്കിയാവണം സുഗന്ധവ്യഞ്ജനങ്ങൾ സൂക്ഷിക്കേണ്ടത്.

പുതിന, മല്ലിയില തുടങ്ങിയ ഔഷധ സസ്യങ്ങൾ തണ്ട് മുറിച്ച് സൂക്ഷിക്കുന്നതാണ് ഉചിതം. ശേഷം വെള്ളം നിറച്ച പാത്രത്തിൽ ഇലകൾ അയഞ്ഞ രീതിയിൽ പൊതിഞ്ഞ് സൂക്ഷിക്കാവുന്നതാണ്.

പാൽ, തൈര്, ചീസ് തുടങ്ങിയവ ഫ്രിഡ്ജിൽ സൂക്ഷിക്കുന്നതാണ് ഉചിതം. അതേസമയം ഇത്തരം സാധനങ്ങൾ ഡോറിന്റെ സൈഡിൽ സൂക്ഷിക്കാൻ പാടില്ല. ഇവിടെ ടെമ്പറേച്ചർ മാറിക്കൊണ്ടിരിക്കുന്നു.

ബ്രെഡ് കൂടുതൽ ദിവസം ഫ്രിഡ്ജിൽ സൂക്ഷിക്കുന്നത് ഒഴിവാക്കണം. അധിക ദിവസത്തേക്കാണെങ്കിൽ ഫ്രീസറിൽ വെക്കുന്നതാണ് നല്ലത്.

പഴങ്ങളും പച്ചക്കറികളും ഇടയ്ക്കിടെ പരിശോധിച്ച് കേടുവന്നിട്ടില്ലെന്ന് ഉറപ്പ് വരുത്തണം. കേടുവന്നവ ഉണ്ടെങ്കിൽ ഉടൻ അതിനെ നീക്കം ചെയ്യാനും ശ്രദ്ധിക്കണം.