എലി ശല്യം

വീട്ടിൽ എലികൾ വരുന്നതിന് പലതാണ് കാരണങ്ങളുള്ളത്. അവ എന്തൊക്കെയാണെന്ന് അറിയാം.

ചെറിയ ഇടകളും വിള്ളലുകളും വഴി എലികൾ എളുപ്പത്തിൽ വീടിനുള്ളിൽ കയറുന്നു. വഴികൾ തുറന്നു കിടക്കുന്നത് അവയ്ക്ക് കൂടുതൽ സൗകര്യമാകും.

ശാന്തവും ഇരുട്ടുമുള്ള സ്ഥലങ്ങളിലാണ് എലികൾ ഒളിച്ചിരിക്കുന്നത്. സാധനങ്ങൾ സൂക്ഷിച്ചിരിക്കുന്ന സ്ഥലങ്ങൾ, ഉപകരണങ്ങളുടെ അടിഭാങ്ങൾ എന്നിവിടങ്ങളിലാണ് എലികൾ അധികവും ഉണ്ടാവുന്നത്.

ഭക്ഷണം കിട്ടുന്ന സ്ഥലങ്ങളിൽ എപ്പോഴും എലികൾ വന്നുകൊണ്ടേയിരിക്കും. അതിനാൽ തന്നെ ഭക്ഷണ സാധനങ്ങൾ എളുപ്പം ലഭിക്കുന്ന വിധത്തിൽ സൂക്ഷിക്കരുത്.

സ്നാക്കുകൾ, ഭക്ഷണ സാധനങ്ങൾ, വളർത്തുമൃഗങ്ങളുടെ ഭക്ഷണങ്ങൾ തുടങ്ങിയവ വായുകടക്കാത്ത പാത്രത്തിലാക്കി അടച്ച് സൂക്ഷിക്കണം.

എപ്പോഴും ഭക്ഷണം കിട്ടുന്ന സ്ഥലങ്ങളിൽ എലികൾ ഇടംപിടിക്കുകയും പിന്നീട് പെറ്റുപെരുകുകയും ചെയ്യുന്നു.

വീടിനുള്ളിൽ മാലിന്യങ്ങൾ സൂക്ഷിക്കുന്നത് പൂർണമായും ഒഴിവാക്കണം. ഇത് എലികളെ കൂടുതൽ ആകർഷിക്കുന്നു.

വെള്ളം കെട്ടിനിൽക്കുന്ന സ്ഥലങ്ങളിലും എലികൾ വരാറുണ്ട്. അതിനാൽ തന്നെ വീടിനുള്ളിലും പുറത്തും ഇതൊഴിവാക്കാൻ ശ്രദ്ധിക്കണം.