ദുർഗന്ധം അകറ്റാം

ബാത്റൂമിനുള്ളിൽ ദുർഗന്ധം ഉണ്ടാവുന്നതിന് പലതാണ് കാരണങ്ങൾ ഉള്ളത്. ദുർഗന്ധത്തെ അകറ്റാൻ ഇത്രയും ചെയ്താൽ മതി.

നാരങ്ങയുടെ പ്രകൃതിദത്തമായ ഗന്ധം ദുർഗന്ധത്തെ അകറ്റുന്നു. ചെറിയ ബൗളിൽ നാരങ്ങ മുറിച്ച് ബാത്‌റൂമിൽ സൂക്ഷിക്കാം.

ദുർഗന്ധത്തെ അകറ്റാൻ ബേക്കിംഗ് സോഡയും നല്ലതാണ്. നന്നായി ഉണക്കി പൊടിച്ചെടുത്ത നാരങ്ങയ്ക്കൊപ്പം ബേക്കിംഗ് സോഡ ചേർത്ത് ബാത്‌റൂമിൽ വയ്ക്കാം.

ദുർഗന്ധത്തെ ആഗിരണം ചെയ്തെടുക്കാൻ കാപ്പിപ്പൊടിക്കും സാധിക്കും. ഒരു ബൗളിൽ കുറച്ച് കാപ്പിപ്പൊടിയെടുത്ത് ബാത്റൂമിനുള്ളിൽ സൂക്ഷിച്ചാൽ മതി.

നിരവധി ഗുണങ്ങൾ അടങ്ങിയ പുതിനയ്ക്ക് ദുർഗന്ധത്തെ അകറ്റാനും സാധിക്കും. പുതിനയില നന്നായി പൊടിച്ചെടുത്തതിന് ശേഷം ബാത്റൂമിനുള്ളിൽ സൂക്ഷിച്ചാൽ മതി.

നല്ല സുഗന്ധമുള്ളതാണ് ഓറഞ്ചിന്റെ തോട്. ഇത് കർപ്പൂരത്തിനൊപ്പം ജനാലയുടെ ഭാഗത്തായി വയ്ക്കാം. ഇങ്ങനെ ചെയ്യുന്നത് ദുർഗന്ധത്തെ എളുപ്പം അകറ്റുന്നു.

തേയിലക്കൊത്ത് സുഗന്ധ തൈലത്തിനൊപ്പം ചേർത്ത് ഒരു പാത്രത്തിലാക്കി ബാത്റൂമിനുള്ളിൽ സൂക്ഷിക്കാം. ഇത് എളുപ്പം ദുർഗന്ധത്തെ അകറ്റാൻ സഹായിക്കുന്നു.

ബാത്റൂം എപ്പോഴും വൃത്തിയാക്കി സൂക്ഷിക്കാൻ ശ്രദ്ധിക്കണം. മാലിന്യങ്ങളും അഴുക്കും ഉണ്ടാകുമ്പോൾ ദുർഗന്ധത്തെ തടയാൻ സാധിക്കില്ല.