അടുക്കള സിങ്ക്

വൃത്തിയായി സൂക്ഷിക്കേണ്ട ഇടമാണ് അടുക്കള സിങ്കിന്റെ അടിഭാഗം. അതിനാൽ തന്നെ സിങ്കിന്റെ അടിയിൽ ഈ വസ്തുക്കൾ സൂക്ഷിക്കുന്നുണ്ടെങ്കിൽ ഉടൻ മാറ്റിക്കോളൂ.

നല്ല രീതിയിൽ വായുസഞ്ചാരമുള്ള, ഉണങ്ങിയ സ്ഥലത്താവണം ക്ലീനറുകൾ സൂക്ഷിക്കേണ്ടത്. ഇത് അടുക്കള സിങ്കിന്റെ അടിഭാഗത്ത് സൂക്ഷിക്കുന്നത് സുരക്ഷിതമല്ല.

അടുക്കളയിൽ ഉപയോഗിക്കുന്ന ചെറിയ ഉപകരണങ്ങൾ ഒരിക്കലും സിങ്കിന്റെ അടിയിൽ സൂക്ഷിക്കരുത്. വെള്ള ചോർച്ച ഉണ്ടായാൽ ഉപകരണങ്ങൾ നശിച്ചുപോകാൻ കാരണമാകുന്നു.

പേപ്പർ ടവലുകൾ ബാഗ് തുടങ്ങിയവ സിങ്കിന്റെ അടിയിൽ സൂക്ഷിക്കുന്നത് ഒഴിവാക്കണം. കാരണം സിങ്കിന്റെ അടിയിൽ എപ്പോഴും ഈർപ്പം ഉണ്ടാവാനുള്ള സാധ്യത കൂടുതലാണ്.

തീപിടുത്ത സാധ്യത ഉള്ളതുകൊണ്ട് തന്നെ കത്തിപ്പിടിക്കുന്ന വസ്തുക്കൾ ഒരിക്കലും സിങ്കിന്റെ അടിയിൽ സൂക്ഷിക്കരുത്.

അടുക്കളയിൽ ഉപയോഗിക്കുന്ന ഗ്ലാസ് പാത്രങ്ങളോ മറ്റു വസ്തുക്കളോ സിങ്കിന്റെ അടിയിൽ സൂക്ഷിക്കുന്നത് ഒഴിവാക്കാം. ഇത് പൊട്ടിപ്പോകാനും അപകടങ്ങൾ ഉണ്ടാവാനും കാരണമാകുന്നു.

സിങ്കിന്റെ അടിയിൽ ഈർപ്പവും അഴുക്കും അണുക്കളും ഉണ്ടാകുന്നു. അതിനാൽ തന്നെ വളർത്തുമൃഗങ്ങളുടെ ഭക്ഷണം ഇവിടെ സൂക്ഷിക്കുന്നത് സുരക്ഷിതമല്ല.

സിങ്കിന്റെ അടിയിൽ സ്ഥലമുണ്ടെങ്കിലും സാധനങ്ങൾ സൂക്ഷിക്കുന്നത് ഒഴിവാക്കണം. കാരണം എപ്പോഴും ഇവിടെ ഈർപ്പവും അഴുക്കും ഉണ്ടാകുന്നു. ഇത് സാധനങ്ങൾ പെട്ടെന്ന് കേടുവരാൻ കാരണമാകും.