പൂപ്പലിനെ തടയാം

ഈർപ്പം ഉണ്ടാവുന്നതുകൊണ്ടാണ് അടുക്കളയിൽ പെട്ടെന്ന് പൂപ്പൽ വരുന്നത്. പൂപ്പലിനെ നീക്കം ചെയ്യാൻ ഇത്രയും ചെയ്താൽ മതി.

അടുക്കളയിൽ നല്ല രീതിയിലുള്ള വായുസഞ്ചാരം ഉണ്ടെന്ന് ഉറപ്പ് വരുത്തണം. എക്സ്ഹോസ്റ്റ് ഫാൻ സ്ഥാപിക്കുകയും, ജനാലകളും വാതിലും തുറന്നിടാനും ശ്രദ്ധിക്കണം.

അടുക്കള പ്രതലങ്ങൾ, കൗണ്ടർടോപ്, ഷെൽഫ് എന്നിവിടങ്ങൾ ഇടയ്ക്കിടെ വൃത്തിയാക്കാൻ മറക്കരുത്.

അടുക്കളയ്ക്കുള്ളിൽ വെള്ളം ചോരുന്നുണ്ടെങ്കിൽ ഉടൻ പ്രശ്നം പരിഹരിക്കാൻ ശ്രദ്ധിക്കണം. ഇത് പൂപ്പൽ പെട്ടെന്ന് ഉണ്ടാവാൻ കാരണമാകുന്നു.

ഈർപ്പം തങ്ങി നിൽക്കുമ്പോൾ പൂപ്പൽ പെട്ടെന്ന് ഉണ്ടാകുന്നു. പാത്രത്തിലുള്ള വെള്ളം, കൗണ്ടർടോപ്പിലെ ഈർപ്പം എന്നിവ നീക്കം ചെയ്യാൻ ശ്രദിക്കണം.

ഫ്രിഡ്ജ്, ഡിഷ്‌വാഷർ തുടങ്ങി അടുക്കളയിൽ ഉപയോഗിക്കുന്ന ഉപകരണങ്ങൾ ഇടയ്ക്കിടെ പരിശോധിച്ച് വെള്ള ചോർച്ച ഇല്ലെന്ന് ഉറപ്പ് വരുത്തണം.

വായുകടക്കാത്ത പാത്രത്തിലാക്കിയാവണം ഭക്ഷണ സാധനങ്ങൾ സൂക്ഷിക്കേണ്ടത്. ഈർപ്പം ഉണ്ടായാൽ ഭക്ഷണം കേടുവരുകയും അതിലൂടെ പൂപ്പൽ ഉണ്ടാവുകയും ചെയ്യുന്നു.

വിനാഗിരി, വേപ്പെണ്ണ തുടങ്ങിയവ ഉപയോഗിച്ച് പൂപ്പലിനെ നീക്കം ചെയ്യാൻ സാധിക്കും. ഇത് വെള്ളത്തിൽ ചേർത്ത് പൂപ്പലുള്ള സ്ഥലത്ത് സ്പ്രേ ചെയ്താൽ മതി.