കരിപിടിച്ച പാത്രങ്ങൾ വെട്ടിതിളങ്ങാൻ ഇതാ അഞ്ച് ടിപ്സ്

കരിപിടിച്ച പാത്രങ്ങൾ വെട്ടിതിളങ്ങാൻ ഇതാ അഞ്ച് ടിപ്സ്

സോപ്പ് ഉപയോഗിച്ച് മാത്രമല്ല സോപ്പില്ലാതെയും എളുപ്പത്തിൽ പാത്രം കഴുകാൻ സാധിക്കും. ഈ പ്രകൃതിദത്ത മാർഗങ്ങൾ ചെയ്തു നോക്കൂ.

ചൂട് വെള്ളം ഉപയോഗിച്ച് പാത്രം കഴുകുക. അഴുക്ക് മാത്രമല്ല പറ്റിപ്പിടിച്ച കറയും അണുക്കളും ചൂട് വെള്ളത്തിൽ എളുപ്പം വൃത്തിയാക്കാൻ സാധിക്കുന്നു.

പാത്രം നല്ല വെള്ളത്തിൽ കഴുകിയതിന് ശേഷം അതിലേക്ക് കുറച്ച് ബേക്കിംഗ് സോഡ ഇട്ടു കൊടുക്കണം. 10 മിനിറ്റ് വച്ചതിന് ശേഷം നന്നായി ഉരച്ച് കഴുകിയാൽ അഴുക്കും കറയും ഇല്ലാതാകുന്നു.

ഉപ്പും നാരങ്ങ നീരും ഉപയോ​ഗിച്ച് കരിപിടിച്ച പാത്രങ്ങൾ കഴുകുക.

മൂന്ന് ടേബിൾ സ്പൂൺ വിനാഗിരി വെള്ളത്തിൽ ചേർത്ത് ലായനി തയാറാക്കണം. ശേഷം ഇതൊരു കുപ്പിയിലാക്കി പാത്രത്തിൽ സ്പ്രേ ചെയ്യാം. ശേഷം സ്പോഞ്ച് ഉപയോഗിച്ച് നന്നായി ഉരച്ച് കഴുകിയാൽ മതി.

കഞ്ഞിവെള്ളത്തിൽ സ്പോഞ്ച് മുക്കിയെടുത്തതിന് ശേഷം പാത്രങ്ങൾ നന്നായി ഉരച്ച് കഴുകണം. കഞ്ഞിവെള്ളത്തിൽ അടങ്ങിയിരിക്കുന്ന സ്റ്റാർച്ച് അഴുക്കുകളെ എളുപ്പത്തിൽ വൃത്തിയാക്കുന്നു.