തുണിയിൽ ചായക്കറയായോ ?

തുണിയിൽ ചായക്കറയായോ ? എങ്കിൽ കളയാൻ ഇവ ഉപയോ​ഗിച്ചാൽ മതി

വസ്ത്രങ്ങളില്‍ ചായക്കറ പറ്റിയാൽ പിന്നീട് അത് മാറാൻ വളരെ പ്രയാസമാണെന്നാണ് പലരും കരുതുന്നത്. എന്നാൽ വീട്ടിലെ തന്നെ ചില പൊടിക്കെെകൾ ഉപയോ​ഗിച്ച് കറ എളുപ്പം അകറ്റാം.

തുണി 20 മിനിറ്റ് തണുത്ത വെള്ളത്തില്‍ മുക്കിവച്ചതിന് ശേഷം കറ പറ്റിയ ഭാഗത്ത് ലിക്വിഡ് ഡിറ്റര്‍ജന്റ് പുരട്ടി കുറച്ച് നേരം തിരുമുക. ശേഷം വെള്ളത്തില്‍ കഴുകി ഉണക്കാവുന്നതാണ്.

കറ പറ്റിയ ഭാഗം ബേക്കിംഗ് സോഡ വിതറിയിട്ട് ഒരു രാത്രി മുഴുവനും വച്ചതിന് ശേഷം തൊട്ടടുത്ത ദിവസം കഴുകി എടുക്കുക. ഇതും ചായക്കറ മാറാൻ സഹായകമാണ്.

തണുത്ത വെള്ളത്തില്‍ ഒന്നോ രണ്ടോ ടീസ്പൂണ്‍ വിനാഗിരി ഒഴിച്ച് തുണികള്‍ മുക്കി കുറച്ച് സമയം മാറ്റിവച്ചതിന് ശേഷം വെള്ളത്തില്‍ തുണി കഴുകുന്നതും കറ കളയാന്‍ സഹായിക്കുന്നു.

രണ്ട് സ്പൂൺ വിനാഗിരിയും ചെറുനാരങ്ങയുടെ നീരും യോജിപ്പിച്ച് കറയുള്ള ഭാ​ഗത്ത് പുരട്ടുക. 15 നേരം ഇട്ടേക്കുക. ഇത് കറ മാറ്റാൻ സഹായകമാണ്.

വെള്ളത്തിൽ അല്പം ഉപ്പും സോഡാപ്പൊടിയും ചേർത്ത ശേഷം ആ വെള്ളക്കിൽ തുണി മുക്കിവയ്ക്കുക. 15 മിനുട്ട് കഴി‍ഞ്ഞ് കളയുക. ഇത് കറ മാറാൻ മികച്ച മാർ​ഗമാണ്.