പച്ചക്കറിയും പഴങ്ങളും

ദിവസങ്ങളോളം പച്ചക്കറികളും പഴങ്ങളും കേടുവരാതിരിക്കാൻ ഇങ്ങനെ ചെയ്ത് നോക്കൂ.

തണുപ്പുള്ള അധികം വെളിച്ചമില്ലാത്ത സ്ഥലത്ത് സൂക്ഷിച്ചാൽ ഉരുളകിഴങ്ങ് എത്ര ദിവസംവരെയും കേടുവരാതിരിക്കും. അല്ലെങ്കിൽ വായുകടക്കാത്ത പാത്രത്തിലാക്കിയും സൂക്ഷിക്കാവുന്നതാണ്.

നല്ല വായു സഞ്ചാരമുള്ള പാത്രത്തിലാക്കി സൂക്ഷിച്ചാൽ ഓറഞ്ച് എത്ര ദിവസം വരെയും കേടുവരാതിരിക്കും. സിട്രസും ഇങ്ങനെ സൂക്ഷിക്കാവുന്നതാണ്.

ആപ്പിളുകൾ എത്ര മാസംവരെയും കേടുവരാതിരിക്കും. നനവുള്ള ടവലിൽ പൊതിഞ്ഞ് ഫ്രിഡ്ജിൽ സൂക്ഷിച്ചാൽ മതി.

ഫ്രിഡ്ജിൽ സൂക്ഷിച്ചാൽ ഒരു മാസംവരെ ക്യാരറ്റ് കേടുവരാതിരിക്കും. വായുകടക്കാത്ത പാത്രത്തിലാക്കിയും അടച്ച് സൂക്ഷിക്കാവുന്നതാണ്.

ഈർപ്പമില്ലാത്ത പേപ്പർ ടവലിൽ പൊതിഞ്ഞ് വായു കടക്കാത്ത പാത്രത്തിലാക്കി സ്ട്രോബെറി അടച്ച് ഫ്രിഡ്ജിൽ സൂക്ഷിക്കാം. ഇങ്ങനെ ചെയ്താൽ കേടുവരുകയേ ഇല്ല.

ആഴ്ചകളോളം കേടുവരാതിരിക്കുന്ന പച്ചക്കറിയാണ് ബീറ്റ്റൂട്ട്. ഇലകൾ മുറിച്ച് മാറ്റിയതിന് ശേഷം കഴുകണം. നന്നായി ഉണക്കിയതിന് ശേഷം പേപ്പർ ടവലിൽ പൊതിഞ്ഞ് ഫ്രിഡ്ജിൽ സൂക്ഷിക്കാം.

വായുസഞ്ചാരമുള്ള പാത്രത്തിലാക്കി ഫ്രിഡ്ജിൽ സൂക്ഷിച്ചാൽ ബ്ലൂബെറി എത്രദിവസം വരെയും കേടുവരാതിരിക്കും. പേപ്പർ ടവൽ ഉപയോഗിച്ച് പൊതിഞ്ഞാൽ ഈർപ്പം ഉണ്ടാവില്ല.