സൗദി ദേശീയ ദിനാഘോഷം

ദേശീയദിനം വിപുലമായി ആഘോഷിച്ച് സൗദി അറേബ്യ. 

ആഘോഷ പരിപാടികളിൽ, നഗരസഭാ ഓഫീസുകൾക്ക് കീഴിലുള്ള 12 കേന്ദ്രങ്ങൾക്ക് പുറമെ ദീറ, റിയാദ് ഒയാസിസ് എന്നിവിടങ്ങളിലെ പ്രത്യേക ആഘോഷങ്ങളും ഉൾപ്പെടുന്നു. 

അൽ ഹസ്ന ഗാർഡൻ, അൽ സഫ്സാഫ് ഗാർഡൻ, അൽ മജാസ് ഗാർഡൻ, അൽ വാഹ ഗാർഡൻ,  അൽ ജസീറ ഗാർഡൻ എന്നിവിടങ്ങളിലായിരുന്നു ആഘോഷം. 

സന്ദർശകർക്കായി പ്രധാന തിയേറ്റർ ഷോകൾ, നാഷണൽ മാപ്പ് പസിൽ, ആർട്ടിഫിഷ്യൽ ഇന്റലിജൻസ് ഫോട്ടോഗ്രാഫി, കാർഷികാനുഭവങ്ങൾ തുടങ്ങിയ ആകർഷകമായ പരിപാടികളും ഒരുക്കിയിരുന്നു.

സൗദിയുടെ ദേശീയ തനത് പാരമ്പര്യം വിളിച്ചോതുന്ന ആഘോഷങ്ങളാണ് ദീറ മേഖലയിലും റിയാദ് ഒയാസിസിലും നടന്നത്.

ദീറയിൽ എല്ലാ പ്രായക്കാർക്കും ഒരുപോലെ ആസ്വദിക്കാവുന്ന നാടൻ കലാരൂപങ്ങളും വിനോദപരിപാടികളും അരങ്ങേറി. 

റിയാദ് ഒയാസിസിൽ സൗദിയുടെ പരമ്പരാഗത പാചകരീതികളും പാരമ്പര്യങ്ങളും പരിചയപ്പെടുത്തുകയും പരമ്പരാഗത കലകളെയും കൈത്തൊഴിലുകളെയും പ്രോത്സാഹിപ്പിക്കുകയും ചെയ്യുന്നു.

പൊതുജന പങ്കാളിത്തം ഉറപ്പുവരുത്തി രാജ്യത്തോടുള്ള സ്നേഹവും അഭിമാനവും വളർത്തിയെടുക്കാനും, സുസ്ഥിരവും സമൃദ്ധവുമായ റിയാദ് കെട്ടിപ്പടുക്കാനുമാണ് നഗരസഭ ഈ ആഘോഷങ്ങളിലൂടെ ലക്ഷ്യമിടുന്നത്.