ഏറ്റവും മധുരമുള്ള മാമ്പഴം

ലോകത്തിലെ ഏറ്റവും മധുരമുള്ള മാമ്പഴം എതാണ് എന്ന് അറിയാമോ? ഫിലിപ്പീൻസ് സ്വദേശിയായ 'കാരബാവോ' മാമ്പഴമാണ് ലോകത്തിലെ ഏറ്റവും മധുരമുള്ള മാമ്പഴമായി അറിയപ്പെടുന്നത്.

ഇതിന്റെ അസാധാരണമായ മധുരം കാരണം, ലോകത്തിലെ ഏറ്റവും മധുരമേറിയ മാമ്പഴ ഇനമായി ഇത് ഗിന്നസ് വേൾഡ് റെക്കോർഡ്സിൽ ഇടംപിടിച്ചിട്ടുണ്ട്.

പഴങ്ങളിലെ പഞ്ചസാരയുടെ അളവ് അളക്കുന്ന 'ബ്രിക്സ് ലെവൽ' കാരബാവോ മാമ്പഴങ്ങളിൽ വളരെ കൂടുതലാണ്.

മറ്റു മാമ്പഴങ്ങളെപ്പോലെ പുളിപ്പും മധുരവും കലർന്ന രുചിക്ക് പകരം, മിഠായിയോട് ഉപമിക്കാവുന്ന തികച്ചും ശുദ്ധമായ മധുരമാണ് ഇതിനുള്ളത്.

തിളക്കമുള്ള സ്വർണനിറത്തിലുള്ള ഇതിന്റെ ഉൾഭാഗം നാരുകളില്ലാത്തതും വെണ്ണപോലെ അലിഞ്ഞുപോകുന്നതുമാണ്.

കഴിക്കാൻ തോന്നിപ്പിക്കുന്ന കടുത്ത സുഗന്ധവും ഈ മാമ്പഴത്തിനുണ്ട്.

കാരബാവോ മാമ്പഴം കടുത്ത മധുരത്തിന് പേരുകേട്ടതാണെങ്കിൽ, പ്രശസ്തമായ 'അൽഫോൻസോ' മാമ്പഴങ്ങൾ മധുരവും നേരിയ പുളിപ്പും ചേർന്ന രുചിക്ക് പേരുകേട്ടതാണ്.

ഉയർന്ന പഞ്ചസാരയുടെ അളവ്, സവിശേഷമായ സുഗന്ധം, രൂപത്തിലുള്ള ഭം​ഗി എന്നിവ കാരണം ലോകമെമ്പാടുമുള്ള മാമ്പഴപ്രേമികളുടെ പ്രിയപ്പെട്ട ഇനമാണിത്.