'റീപാരെന്റിംഗ്'

റീപാരന്റിം​ഗിനെ കുറിച്ച് കേട്ടിട്ടുണ്ടോ? ചൈനയിൽ ട്രെൻഡാവുന്ന പുതിയ രീതിയാണിത്. എന്താണ് ഇതുകൊണ്ട് ഉദ്ദേശിക്കുന്നത്?

മാതാപിതാക്കളെ മക്കൾ മുൻകയ്യെടുത്ത് പുതിയ കാര്യങ്ങൾ പഠിപ്പിക്കുകയും അവരോട് കൂടുതൽ അടുക്കുകയും ചെയ്യുന്നതിനെയാണ് റീപാരെന്റിംഗെന്നു പറയുന്നത്. ചൈനയിൽ ഈ ട്രെൻഡ് വർദ്ധിച്ചുവരികയാണത്രെ.

കുട്ടിക്കാലത്ത് മാതാപിതാക്കൾ നടക്കാൻ പഠിപ്പിച്ചത് പോലെ, ഇന്ന് യുവാക്കൾ മാതാപിതാക്കളെ ഫുഡ് ഡെലിവറി ആപ്പുകൾ ഉപയോഗിക്കാനും സെൽഫിയെടുക്കാനും സ്കിൻകെയർ ശീലിക്കാനും പഠിപ്പിക്കുന്നു.

മാതാപിതാക്കളെ സുഹൃത്തുക്കളെപ്പോലെ കണ്ട് തങ്ങളുടെ ഹോബികൾ അവരുമായി പങ്കുവെക്കുന്നു. 

ഈ ട്രെൻഡ് പിന്തുടരുന്ന ഭൂരിഭാഗം യുവാക്കളും സാമ്പത്തികമായി സ്വയംപര്യാപ്തത നേടിയവരാണ്.

പഴയകാലത്തെ മോശം വളർത്തൽ രീതികൾ മൂലം ഉണ്ടായ മാനസിക വിഷമങ്ങൾ പരിഹരിക്കാനും മാതാപിതാക്കളുമായി മെച്ചപ്പെട്ട ബന്ധം കെട്ടിപ്പടുക്കാനും ഈ രീതി സഹായിക്കുന്നു.

മാതാപിതാക്കളുടെ ശല്യപ്പെടുത്തലുകൾ അവരുടെ സ്നേഹം പ്രകടിപ്പിക്കാനുള്ള അറിവില്ലായ്മയോ അല്ലെങ്കിൽ അവരുടെ ഉള്ളിലെ ആശങ്കയോ കൊണ്ടാണെന്ന് യുവാക്കൾ തിരിച്ചറിയുന്നു.

വിവാഹത്തെക്കുറിച്ചും മറ്റും മാതാപിതാക്കൾ നിർബന്ധിക്കുന്നത് തങ്ങളുടെ ഭാവിയെക്കുറിച്ചുള്ള പേടി കൊണ്ടാണെന്ന് മനസ്സിലാക്കി, ശാന്തമായി കാര്യങ്ങൾ സംസാരിച്ചു മനസ്സിലാക്കാൻ ശ്രമിക്കും.

മാതാപിതാക്കളുടെ കടമകളെക്കുറിച്ചുള്ള പഴയ സങ്കൽപ്പങ്ങളെ തിരുത്തിക്കൊണ്ട്, രണ്ട് തലമുറകൾ തമ്മിലുള്ള അകലം കുറയ്ക്കാൻ ഈ പുതിയ രീതിക്ക് കഴിയുന്നു.