വീട്ടുജോലികൾ

വീട്ടുജോലികൾ മറ്റുള്ളവരെ ഏൽപ്പിക്കുന്നത്, അതായത് അതിനായി പണം നൽകി ജോലിക്കാരെ വയ്ക്കുന്നത് ദമ്പതികൾക്കിടയിലെ സന്തോഷം വർദ്ധിപ്പിക്കുമോ?

വർധിക്കുമെന്നാണ് ബിഹേവിയറൽ സയന്റിസ്റ്റും ഹാർവാർഡ് ബിസിനസ് സ്കൂളിലെ പ്രൊഫസറുമായ ആഷ്ലി വില്ല്യംസ് പറയുന്നത്. ഇത് ശരിയാണോ? ഇങ്ങനെ ചെയ്യുന്നത് കൊണ്ട് പ്രത്യേകം ​ഗുണങ്ങളുണ്ടോ?

അലക്കാനും പാത്രം കഴുകാനുമൊക്കെ ആളുകളെ വയ്ക്കുന്നതോടെ ആ സമയം ദമ്പതികൾക്ക് പരസ്പരം സംസാരിക്കാനും ഒരുമിച്ച് സമയം ചെലവഴിക്കാനും ഉപയോ​ഗിക്കാം.

ജോലി കഴിഞ്ഞു വരുമ്പോൾ വീണ്ടും കഠിനമായ വീട്ടുജോലികൾ ചെയ്യേണ്ടി വരുന്നത് വലിയ മാനസിക സമ്മർദ്ദമുണ്ടാക്കും. ഇത് ഒഴിവാക്കുന്നത് മനസ്സിന് സമാധാനം നൽകുന്നു. നല്ല ഉറക്കവും ലഭിക്കും.

ആര് ജോലി ചെയ്യുമെന്നതിൽ തുടങ്ങുന്ന വഴക്കുകളും പരാതികളും കുറയ്ക്കാൻ ഇത് സഹായിക്കും.

ജോലിഭാരം തുല്യമാകുന്നു വീട്ടുജോലികൾ ഒരാൾക്ക് മാത്രമായുള്ള ഭാരമാകാതെ, പുറത്തുനിന്നുള്ള ഒരാളെ ഏൽപ്പിക്കുമ്പോൾ പങ്കാളികൾക്കിടയിൽ സമത്വമുണ്ടെന്ന തോന്നലുണ്ടാകും.

വീട്ടുജോലിയുടെ ഭാരമില്ലാത്തപ്പോൾ പങ്കാളികൾക്ക് പരസ്പരമുള്ള സ്നേഹത്തിലും ആവശ്യങ്ങളിലും കൂടുതൽ ശ്രദ്ധ കേന്ദ്രീകരിക്കാൻ കഴിയുന്നു. ഇതെല്ലാം നിങ്ങളുടെ ബന്ധം ശക്തമാക്കുന്നു.

പണമുപയോഗിച്ച് സമയം വാങ്ങുന്നത് ജീവിത സംതൃപ്തി വർദ്ധിപ്പിക്കുമെന്നാണ് വിദ​ഗ്ദ്ധർ പറയുന്നത്. വിലകൂടിയ വസ്‌തുക്കൾ വാങ്ങുന്നതിനേക്കാൾ സന്തോഷം ഇത്തരം സേവനങ്ങൾ നൽകുമത്രെ.

എന്നാൽ, എല്ലാവർക്കും ഇങ്ങനെ ജോലിക്കാരെ വയ്ക്കാനാവില്ല, നമ്മൾ അത്തരം അവസ്ഥയിലാണെങ്കിൽ പരസ്പരം മനസിലാക്കി ജോലികൾ ഒരുമിച്ച് ചെയ്യാം.