നല്ല ഉറക്കം

സ്കാൻഡിനേവിയൻ ഉറക്കരീതി. കേട്ടിട്ടുണ്ടോ? സ്കാൻഡിനേവിയൻ രാജ്യങ്ങളിലിപ്പോൾ ശീലിച്ചുവരുന്ന ഉറക്കരീതിയാണ്. എന്താണിത്? ഇത് നല്ല ഉറക്കം തരുമോ?

ഒരേ ബെഡിൽ കിടക്കുന്ന ദമ്പതികൾ ഒരു വലിയ പുതപ്പിന് പകരം രണ്ട് വ്യത്യസ്ത സിംഗിൾ പുതപ്പുകൾ ഉപയോഗിക്കുന്ന രീതിയാണിത്. 

പുതപ്പിന് വേണ്ടിയുള്ള പിടിവലി ഇതിലൂടെ ഒഴിവാക്കാം. പങ്കാളി പുതപ്പ് വലിച്ച് മാറ്റുന്നത് കാരണമുണ്ടാകുന്ന ഉറക്ക തടസ്സം ഒഴിവാക്കാം.

ഓരോരുത്തർക്കും അവരുടെ ശരീരപ്രകൃതിക്ക് അനുയോജ്യമായ തരത്തിലുള്ള പുതപ്പുകൾ സ്വന്തമായി തിരഞ്ഞെടുക്കാം.

പങ്കാളി ഉറക്കത്തിൽ തിരിഞ്ഞും മറിഞ്ഞും കിടക്കുമ്പോൾ ഒരേ പുതപ്പിലാണെങ്കിൽ ഇത് മറ്റേയാളെ അസ്വസ്ഥരാക്കും. രണ്ട് പുതപ്പാണെങ്കിൽ ആ പ്രശ്നമില്ല.ആഴത്തിലുള്ള ഉറക്കം ലഭിക്കാൻ ഇത് സഹായിക്കും.

നല്ല ഉറക്കം ലഭിക്കുന്നത് ദമ്പതികൾക്കിടയിലെ പിരിമുറുക്കം കുറയ്ക്കാനും അവരുടെ മാനസികാവസ്ഥ മെച്ചപ്പെടുത്താനും സഹായിക്കും.

ഉറക്കത്തിലെ പ്രശ്നങ്ങൾ കാരണം ദമ്പതികൾ വേറെ മുറികളിൽ കിടന്നുറങ്ങുന്ന സാഹചര്യം (Sleep Divorce) ഒഴിവാക്കി ഒരേ ബെഡിൽ തന്നെ സുഖമായി ഉറങ്ങാം.

രണ്ട് പുതപ്പുകൾ ഉപയോഗിക്കുമ്പോൾ ബെഡ് വൃത്തിയായി വിരിച്ചിടാൻ അല്പം കൂടുതൽ സമയം വേണ്ടിവന്നേക്കാം എന്നതൊരു പോരായ്മയാണ്.

വലിയ ചെലവുകളില്ലാതെ ബെഡ്റൂമിൽ വരുത്താവുന്ന ലളിതമായ ഈ മാറ്റം ഉറക്കത്തിന്റെ ഗുണനിലവാരം വർദ്ധിപ്പിക്കാൻ ഫലപ്രദമാണെന്നാണ് വിദഗ്ദ്ധർ പറയുന്നത്.