ഡേറ്റ് ദെം ടിൽ യു ഹേറ്റ് ദെം

‘ഡേറ്റ് ദെം ടിൽ യു ഹേറ്റ് ദെം’ (വെറുക്കും വരെ പ്രണയത്തിൽ തുടരുക) എന്ന ഡേറ്റിംഗ് രീതി ടിക് ടോക്ക് വഴി വീണ്ടും ശ്രദ്ധ നേടുന്നു. എന്താണിത്?

ബന്ധത്തിൽ പ്രശ്നങ്ങളുണ്ടെങ്കിലും അത് പരിഹരിക്കാനോ മാന്യമായി അവസാനിപ്പിക്കാനോ ശ്രമിക്കാതെ, പൂർണമായും വെറുപ്പ് തോന്നുന്നതുവരെ ബന്ധത്തിൽ തുടരുക എന്നതാണ് ഈ ട്രെൻഡ്.

പങ്കാളിയോട് വികാരപരമായി അകന്നുനിൽക്കുകയും, ഉള്ളിൽ നെഗറ്റീവ് വികാരങ്ങൾ അടിഞ്ഞുകൂടാൻ അനുവദിക്കുകയും ചെയ്യുന്നതാണ് ഈ രീതി.

ബന്ധം അവസാനിക്കുമ്പോൾ ഉണ്ടാകുന്ന ദുഃഖം കുറയ്ക്കാൻ ഈ രീതി സഹായിക്കുമെന്ന് ഇതിനെ അനുകൂലിക്കുന്നവർ വാദിക്കുന്നു.

പങ്കാളിയോട് തുറന്ന് സംസാരിക്കാതെയും, പ്രശ്നങ്ങൾ പങ്കുവെക്കാതെയും മുന്നോട്ട് പോകുന്നതാണ് ഈ ട്രെൻഡിന്റെ പ്രധാന ദോഷം.

വ്യക്തമായ അതിരുകളും (boundaries) തീരുമാനങ്ങളും ഇല്ലാതെ ബന്ധം തുടരുന്നത് മാനസിക സമ്മർദ്ദം വർധിപ്പിക്കുന്നു.

ദീർഘകാലം വെറുപ്പും നിരാശയും ഉള്ളിലടക്കി വയ്ക്കുന്നത് ഒരാളുടെ മാനസികാരോഗ്യത്തെ ഗുരുതരമായി ബാധിക്കുമെന്ന് മനഃശാസ്ത്രജ്ഞർ മുന്നറിയിപ്പ് നൽകുന്നു.

ഈ ട്രെൻഡ് പിന്തുടരുന്നത് ഭാവിയിൽ ആരോഗ്യകരമായ ബന്ധങ്ങൾ സ്ഥാപിക്കാൻ ബുദ്ധിമുട്ടുകൾ സൃഷ്ടിക്കാം. 

പ്രശ്നങ്ങൾ നേരിട്ട് സംസാരിക്കുകയും, കൃത്യമായ പ്ലാനിംഗിലൂടെ ബന്ധങ്ങൾ അവസാനിപ്പിക്കുകയുമാണ് ഏറ്റവും ആരോഗ്യകരമായ മാർഗമെന്ന് വിദഗ്ധർ നിർദ്ദേശിക്കുന്നു.