ആൽപൈൻ ഡിവോഴ്സ്

സോഷ്യൽ മീഡിയയിൽ ചർച്ചയാകുന്ന ‘ആൽപൈൻ ഡിവോഴ്സ്’ (Alpine Divorce) എന്ന ട്രെൻഡിനെ കുറിച്ച് കേട്ടിട്ടുണ്ടോ? എന്താണിത്?

അപകടകരമായ മലനിരകളിലോ വനപ്രദേശങ്ങളിലോ ട്രെക്കിംഗിന് പോകുമ്പോൾ പങ്കാളിയെ മനപ്പൂർവ്വം ഉപേക്ഷിച്ചു കടന്നുകളയുന്ന രീതിയാണിത്.

1893 -ൽ റോബർട്ട് ബാർ എഴുതിയ 'ആൻ ആൽപൈൻ ഡിവോഴ്സ്' എന്ന ചെറുകഥയിൽ നിന്നാണ് ഈ പേര് വന്നത്. സ്വിസ് ആൽപ്‌സ് യാത്രയ്ക്കിടെ ഭാര്യയെ കൊല്ലാൻ പദ്ധതിയിടുന്ന ഭർത്താവിനെക്കുറിച്ചാണ് ഈ കഥ.

കഠിനമായ തണുപ്പ്, വന്യമൃഗങ്ങൾ, വഴി തെറ്റാൻ സാധ്യതയുള്ള ഭൂപ്രകൃതി എന്നിവയുള്ള ഇടങ്ങളിലാണ് പങ്കാളിയെ ഒറ്റയ്ക്കാക്കുന്നത്.

വലിയ വിമർശനമാണ് ഇതിനുനേരെ ഉയരുന്നത്. പലരും ഇതുമായി ബന്ധപ്പെട്ട ദുരനുഭവങ്ങള്‍ പങ്കുവയ്ക്കുന്നുമുണ്ട്. 

ടിക് ടോക് , എക്സ് തുടങ്ങിയ പ്ലാറ്റ്‌ഫോമുകളിൽ നിരവധി സ്ത്രീകളാണ് തങ്ങൾക്കുണ്ടായ ഇത്തരം ദുരനുഭവങ്ങൾ പങ്കുവെക്കുന്നത്.

പല പുരുഷന്മാരും തങ്ങളുടെ പങ്കാളികളെ ട്രെക്കിംഗിനിടെ പാതിവഴിയിൽ ഉപേക്ഷിക്കുന്നത് ഇപ്പോൾ പതിവായിട്ടുണ്ടെന്ന് സോഷ്യൽ മീഡിയ പോസ്റ്റുകൾ സൂചിപ്പിക്കുന്നു.

ഇത്തരത്തിൽ വനത്തിലോ മലനിരകളിലോ ഒറ്റപ്പെട്ടുപോയവർക്കായി പ്രത്യേക സപ്പോർട്ട് ഗ്രൂപ്പുകൾ വരെ ഓൺലൈനിൽ രൂപപ്പെട്ടിട്ടുണ്ട്.

പ്രണയബന്ധങ്ങളിൽ മാത്രമല്ല, 'സിറ്റുവേഷൻഷിപ്പുകളിൽ' ഉള്ളവർ പോലും ഇത്തരത്തിൽ ഉപേക്ഷിക്കപ്പെടുന്നുണ്ട്.

പങ്കാളി കിലോമീറ്ററുകളോളം മുന്നേറിപ്പോകുമ്പോൾ ഒറ്റയ്ക്കാകുന്നവർ വലിയ മാനസികാഘാതത്തിലൂടെയാണ് കടന്നുപോകുന്നത്.

ഒരു ബന്ധം അവസാനിപ്പിക്കാൻ ഇത്ര ക്രൂരമായ മാർഗ്ഗം സ്വീകരിക്കുന്നതിനെതിരെ വലിയ രീതിയിലുള്ള പ്രതിഷേധമാണ് സൈബർ ഇടങ്ങളിൽ ഉയരുന്നത്.