സ്ലീപ് ടൂറിസം

എന്താണ് സ്ലീപ് ടൂറിസം അല്ലെങ്കിൽ 'നാപ്‌ക്കേഷൻ'. തിരക്കേറിയ ജീവിതശൈലി കാരണം ഉറക്കം നഷ്ടപ്പെട്ടവർക്കും മാനസിക സമ്മർദ്ദം അനുഭവിക്കുന്നവർക്കും വേണ്ടി രൂപപ്പെടുത്തിയ  വിശ്രമരീതിയാണിത്.

കാഴ്ചകൾ കാണാനോ നടക്കാനോ പോകാതെ, സമാധാനമായി ഉറങ്ങുക എന്നതാണ് ഇതിന്റെ പ്രധാന ലക്ഷ്യം. ഇതിനായി പ്രത്യേക സൗകര്യങ്ങളുള്ള ഹോട്ടലുകളും റിസോർട്ടുകളും ഇപ്പോഴുണ്ട്.

ഇന്ത്യയിൽ കേരളം, കുടക് (കർണാടക), ഹിമാചൽ പ്രദേശ് തുടങ്ങിയ സ്ഥലങ്ങളിലെ റിസോർട്ടുകൾ ഇപ്പോൾ ഇത്തരത്തിലുള്ള 'സ്ലീപ്പ് പാക്കേജുകൾ' വാഗ്ദാനം ചെയ്യുന്നുണ്ട്.

സാധാരണ ഹോട്ടൽ മുറികളിൽ നിന്നും വ്യത്യസ്തമായി ഉറക്കത്തിന് മുൻഗണന നൽകുന്ന അന്തരീക്ഷമായിരിക്കും ഇവിടെ. പൂർണമായും ശബ്ദം കടക്കാത്ത മുറികളായിരിക്കും ഇവ.

മികച്ച നിലവാരമുള്ള മെത്തകൾ, തലയിണകൾ, കണ്ണിന് ധരിക്കുന്ന മാസ്കുകൾ, ഇയർ പ്ലഗ്ഗുകൾ എന്നിവ ഉപഭോക്താക്കൾക്ക് നൽകുന്നു

ഉറക്കം വരാൻ സഹായിക്കുന്ന ഹെർബൽ ചായകൾ, മെലറ്റോണിൻ അടങ്ങിയ ഭക്ഷണപദാർത്ഥങ്ങൾ എന്നിവ ഉൾപ്പെടുന്നതായിരിക്കും ഭക്ഷണം.

മുറിക്കുള്ളിലെ പ്രകാശം ക്രമീകരിക്കുന്നതിനും സമാധാനപരമായ സംഗീതം കേൾപ്പിക്കുന്നതിനും സ്മാർട്ട് സാങ്കേതികവിദ്യകൾ ഉപയോഗിക്കുന്നു

ഫോൺ, ലാപ്ടോപ്പ് തുടങ്ങിയ ഗാഡ്‌ജെറ്റുകൾ ഉപയോഗിക്കുന്നത് കുറയ്ക്കാനും പ്രകൃതിയോട് ചേർന്ന് ശാന്തമായി വിശ്രമിക്കാനും ഇവിടെ അവസരമുണ്ട്.

ലോകം മുഴുവൻ ഓടിക്കൊണ്ടിരിക്കുമ്പോൾ അല്പനേരം ഒന്ന് വെറുതെയിരിക്കാനും സ്വസ്ഥമായി ഉറങ്ങാനും ആഗ്രഹിക്കുന്നവർക്കുള്ള ഏറ്റവും മികച്ച ട്രെൻഡാണ് 'നാപ്‌ക്കേഷൻ'.