പുത്തന്‍ അള്‍ട്ടോ കെ10നെക്കുറിച്ച് അറിയാനുള്ള ആകാംക്ഷയിലാവും പല വാഹന പ്രേമികളും. ഇതാ പുതുതലമുറ മാരുതി സുസുക്കി അൾട്ടോ കെ10-ൽ പ്രതീക്ഷിക്കുന്ന 10 കാര്യങ്ങൾ
രാജ്യത്തെ ഒന്നാം നിര വാഹന നിര്‍മ്മാതാക്കളായ മാരുതി സുസുക്കി പുതിയ തലമുറ ആൾട്ടോ കെ10 ഇന്ത്യയിൽ അവതരിപ്പിക്കാനുള്ള ഒരുക്കത്തിലാണ്. വാഹനം അടുത്തയാഴ്ച രാജ്യത്തെത്തും. ഹാച്ച്ബാക്കിനായി 11,000 രൂപയ്ക്ക് കമ്പനി ഇതിനകം ബുക്കിംഗ് ആരംഭിച്ചിട്ടുണ്ട്. ഇന്ത്യയിലെ മറ്റ് ചെറിയ ഹാച്ച്ബാക്കുകൾക്ക് ഒപ്പം ഹ്യുണ്ടായ് ഗ്രാൻഡ് i10 നിയോസുമായും വാഹനം മത്സരം തുടരും.
കയ്യില്‍ 11000 രൂപയുണ്ടോ? 'പാവങ്ങളുടെ വോള്‍വോ' മാരുതി ഡീലര്‍ഷില്‍ എത്തി കേട്ടോ!
2010-ൽ രാജ്യത്ത് ആദ്യമായി പുറത്തിറക്കിയ അൾട്ടോ K10, മാരുതി സുസുക്കിയിൽ നിന്നുള്ള ഏറ്റവും കൂടുതൽ വിറ്റഴിക്കപ്പെടുന്ന മോഡലുകളിൽ ഒന്നാണ്. കൂടാതെ 22 വർഷത്തെ പാരമ്പര്യത്തോടെ വിപണിയിൽ നിലനിൽക്കുന്ന ഏറ്റവും പഴയ ബ്രാൻഡ് മോഡലുമാണ്. പുതിയ തലമുറ മോഡൽ ഡിസൈൻ, ഫീച്ചറുകൾ, ടെക്‌നോളജി എന്നിവയിൽ നിരവധി അപ്‌ഡേറ്റുകളുമായാണ് എത്തുന്നത്. പുത്തന്‍ അള്‍ട്ടോ കെ10നെക്കുറിച്ച് അറിയാനുള്ള ആകാംക്ഷയിലാവും പല വാഹന പ്രേമികളും. ഇതാ പുതുതലമുറ മാരുതി സുസുക്കി അൾട്ടോ കെ10-ൽ പ്രതീക്ഷിക്കുന്ന 10 കാര്യങ്ങൾ
ഡിസൈൻ:
പുതിയ തലമുറ ആൾട്ടോ K10 നിരവധി എക്സ്റ്റീരിയർ ഡിസൈൻ അപ്‌ഡേറ്റുകളുമായാണ് വരുന്നത്. ഔദ്യോഗിക ചിത്രങ്ങൾ അനുസരിച്ച്, പുതിയ ആൾട്ടോയ്ക്ക് പുനർരൂപകൽപ്പന ചെയ്ത മുൻമുഖവും പുതുക്കിയ പിൻ രൂപകൽപ്പനയും ലഭിക്കും. ഇന്റീരിയറിലും മാറ്റങ്ങൾ ഉണ്ടാകുമെന്നാണ് പ്രതീക്ഷിക്കുന്നത്.
ആരോരും അറിയാതെ പടിയിറങ്ങിപ്പോയ അൾട്ടോ കെ10 തിരിച്ചുവരുന്നു!
വകഭേദങ്ങൾ:
ആറ് വേരിയന്റുകളിൽ മാരുതി സുസുക്കി പുതിയ ആൾട്ടോ കെ10 അവതരിപ്പിക്കും. ഇതിൽ STD (O), LXi, VXI, VXI+ എന്നിവ ഉൾപ്പെടുന്നു. മികച്ച രണ്ട് വേരിയന്റുകളിൽ മാനുവൽ, ഓട്ടോമാറ്റിക് ഗിയർബോക്സ് ചോയ്‌സുകൾ ലഭിക്കും.
നിറങ്ങൾ:
ആറ് വ്യത്യസ്‍ത കളർ ഓപ്ഷനുകള്‍ പുതിയ ആൾട്ടോ കെ10ല്‍ വാഗ്ദാനം ചെയ്യുന്നത്. സോളിഡ് വൈറ്റ്, പ്രീമിയം എർത്ത് ഗോൾഡ്, മെറ്റാലിക് സിസ്ലിംഗ് റെഡ്, മെറ്റാലിക് സ്പീഡി ബ്ലൂ, മെറ്റാലിക് സിൽക്കി സിൽവർ, മെറ്റാലിക് ഗ്രാനൈറ്റ് ഗ്രേ എന്നിവ ഇതിൽ ഉൾപ്പെടുന്നു. നിലവിൽ, ആൾട്ടോ കെ10-ൽ ലോഞ്ച് ചെയ്യുന്നതിന് മുമ്പ് ഡ്യുവൽ-ടോൺ എക്സ്റ്റീരിയർ കളർ ഓപ്ഷനുകളൊന്നും ഓഫർ ചെയ്തിട്ടില്ല.
പുത്തന്‍ അൾട്ടോ K10 ഇന്‍റീരിയർ, ഡിസൈൻ, ഫീച്ചറുകൾ ചോർന്നു
അളവുകൾ:
മുൻ മോഡലുകളെ അപേക്ഷിച്ച് മാരുതി ആൾട്ടോ കെ 10 അളവിലും സമാനമായിരിക്കും. മാരുതിയുടെ പുതിയ ഹാർട്ട്‌ടെക്റ്റ് പ്ലാറ്റ്‌ഫോമിനെ അടിസ്ഥാനമാക്കിയായിരിക്കും ഇത്.
എഞ്ചിൻ:
പുതിയ കെ 10 സി സീരീസ് പെട്രോൾ എഞ്ചിനുകൾ മാരുതി സുസുക്കി പുതിയ ആൾട്ടോ കെ 10 ല്‍ സജ്ജീകരിക്കും. പഴയ 1.0 ലിറ്റർ K10B DOHC ഇൻലൈൻ-ത്രീ പെട്രോൾ എഞ്ചിൻ മുൻ തലമുറ മോഡലുകളിൽ നൽകിയിരുന്നു. എഞ്ചിന് 68 പിഎസ് പരമാവധി കരുത്തും 90 എൻഎം പരമാവധി ടോർക്കും സൃഷ്ടിക്കാന്‍ സാധിക്കും. എസ് - പ്രെസോ പോലുള്ള മറ്റ് മാരുതി മോഡലുകളിലും വാഗ്ദാനം ചെയ്യുന്ന പുതിയ K10C സീരീസ് എഞ്ചിൻ 66 bhp കരുത്തും 89 Nm ടോഉത്പാദിപ്പിക്കുമെന്ന് പ്രതീക്ഷിക്കുന്നു.
മാരുതി ഇന്ത്യയുടെ ജനപ്രിയ കാർ നിർമ്മാണ കമ്പനിയായി തുടരുന്നത് ഇങ്ങനെ
ഗിയർബോക്സ്:
മുൻ തലമുറ എഞ്ചിനുകളില്‍ പരീക്ഷിച്ച അഞ്ച് സ്പീഡ് മാനുവൽ ഗിയർബോക്സ് പുത്തന്‍ അള്‍ട്ടോ കെ10ലും മാരുതി നിലനിർത്തും. മെച്ചപ്പെട്ട ഔട്ട്‌പുട്ടിനും കാര്യക്ഷമതയ്‌ക്കുമായി കാർ നിർമ്മാതാവ് എഞ്ചിൻ ഉപയോഗിച്ച് ഗിയർബോക്‌സിന്റെ ട്യൂണിംഗ് മാറ്റാൻ സാധ്യതയുണ്ട്. നേരത്തെ ഉപയോഗിച്ചിരുന്ന നാല് സ്പീഡ് യൂണിറ്റ് ഓട്ടോമാറ്റിക് ഗിയർബോക്സ് ആയിരിക്കാനാണ് സാധ്യത.
മൈലേജ്:
അൾട്ടോ ഹാച്ച്ബാക്കിന്റെ ജനപ്രീതിക്ക് പിന്നിലെ പ്രധാന കാരണങ്ങളിലൊന്ന് അതിന്റെ കുറഞ്ഞ അറ്റകുറ്റപ്പണി ചെലവുകളും ഉയർന്ന മൈലജ് കാര്യക്ഷമതയുമാണ്. പുതിയ തലമുറ K10C പെട്രോൾ എഞ്ചിൻ ഉപയോഗിച്ച്, ആൾട്ടോ മെച്ചപ്പെട്ട മൈലേജ് നൽകുമെന്ന് പ്രതീക്ഷിക്കുന്നു. പുതിയ അള്‍ട്ടോ K10 ലിറ്ററിന് 25 കിലോമീറ്റര്‍ ഇന്ധനക്ഷമത നൽകുമെന്നാണ് പ്രതീക്ഷിക്കുന്നു.
"ഇരുമെയ്യാണെങ്കിലും നമ്മളൊറ്റക്കരളല്ലേ..!" മാരുതി സുന്ദരിയും ഇന്നോവക്കുഞ്ഞനും തമ്മില്‍!
ഫീച്ചറുകൾ:
സാങ്കേതികവിദ്യയുടെ കാര്യത്തിലും പുതിയ ആൾട്ടോ മുന്നിട്ടുനില്‍ക്കും. സെലേറിയോ പോലുള്ള മോഡലുകളിൽ ഉപയോഗിക്കുന്ന പുതിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം പുതിയ ആൾട്ടോയിലേക്ക് കടന്നുവരും.
സുരക്ഷ:
ആറ് എയർബാഗുകൾ പുതിയ ആൾട്ടോയിൽ മാരുതി ഇതുവരെ ഘടിപ്പിച്ചിട്ടില്ല. എബിഎസ്+ഇബിഡി, റിവേഴ്‌സ് പാർക്കിംഗ് സെൻസറുകൾ, സ്പീഡ് അലേർട്ടുകൾ, സീറ്റ് ബെൽറ്റ് മുന്നറിയിപ്പ് തുടങ്ങിയ സുരക്ഷാ ഫീച്ചറുകൾ കൂടാതെ ഹാച്ച്ബാക്ക് മുന്നിൽ രണ്ടെണ്ണം മാത്രമേ ഉണ്ടാകൂ.
മാരുതിയുടെ അഭിമാന താരങ്ങള്‍ ഈ മൂവര്‍സംഘം!
വില:
നിലവിലുള്ള മാരുതി സുസുക്കി അള്‍ട്ടോ K10 ഹാച്ച്ബാക്കിന്റെ വില 3.39 ലക്ഷം രൂപയിൽ ആരംഭിക്കുന്നു ( എക്സ്-ഷോറൂം,ദില്ലി). പുതിയ മോഡലിന്‍റെ പ്രാരംഭ എക്സ്-ഷോറൂം വില 3.50 ലക്ഷത്തിനും 3.75 ലക്ഷത്തിനും ഇടയിലായിരിക്കുമെന്ന് പ്രതീക്ഷിക്കുന്നു.