MG Cyberster : എംജി സൈബർസ്റ്റർ റോഡ്‌സ്റ്റർ 2024ല്‍ എത്തും

ഈ മോഡൽ ചൈനീസ് കമ്പനിയുടെ വിൽപ്പന വളർച്ചയെ കൂടുതൽ ഉയർത്തുമെന്ന് പ്രതീക്ഷിക്കുന്നതായും ഒരു ബെസ്പോക്ക് ആർക്കിടെക്ചറിനെ അടിസ്ഥാനമാക്കിയുള്ളതാണ് ഈ ആശയം എന്നും ഏകദേശം 800 കിലോമീറ്റർ പരിധി വാഗ്‍ദാനം ചെയ്യാനാകും എന്നും ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു. 

ചൈനീസ് (Chinese) വാഹന നിര്‍മ്മാതാക്കളായ എം ജി മോട്ടോഴ്‍സ് 2024 ഓടെ ഏറ്റവും കുറഞ്ഞ വിലയുള്ള ഹാലോ കാർ മോഡലായി സൈബർസ്റ്റർ റോഡ്‌സ്റ്റർ മോഡൽ അവതരിപ്പിക്കും എന്ന് റിപ്പോര്‍ട്ട്. ഈ മോഡൽ ചൈനീസ് കമ്പനിയുടെ വിൽപ്പന വളർച്ചയെ കൂടുതൽ ഉയർത്തുമെന്ന് പ്രതീക്ഷിക്കുന്നതായും ഒരു ബെസ്പോക്ക് ആർക്കിടെക്ചറിനെ അടിസ്ഥാനമാക്കിയുള്ളതാണ് ഈ ആശയം എന്നും ഏകദേശം 800 കിലോമീറ്റർ പരിധി വാഗ്‍ദാനം ചെയ്യാനാകും എന്നും ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു. 

എം ജി. 4 ഹാച്ച്ബാക്ക് മോഡലാണ് ആദ്യം അവതരിപ്പിക്കുക. ഫോക്‌സ്‌വാഗണിന്‍റെ ഐഡി.3 മോഡലുമായി മത്സരിക്കുന്ന തരത്തിലാണ് ഈ മോഡൽ വികസിപ്പിച്ചത് എന്നാണ് റിപ്പോര്‍ട്ടുകള്‍. പുതിയ എം.ജി കമ്പനിയുടെ ഏറ്റവും കൂടുതൽ വിറ്റഴിക്കപ്പെടുന്ന മോഡലായി ഈ കാർ മാറുമെന്നാണ് പ്രതീക്ഷിക്കുന്നത്. 

"എം‌ജിയുടെ എല്ലാ പരമ്പരാഗത റേറ്റിംഗുകളും ഈ കാറിനുണ്ട്. ഇതിന് അത്യാധുനിക സാങ്കേതികവിദ്യയുണ്ട്. ഇത് തീർച്ചയായും രസകരമായ ഒരു മോഡലാണ്, നിങ്ങൾ നൽകുന്ന വിലയ്ക്ക് അനുയോജ്യമാണ്.." മോട്ടോർ ട്രേഡ് ഡയറക്ടർ ബൈസോങ്കിസ് പറയുന്നു. 

എം.ജി. ZS EV മോഡൽ ഫുൾ ചാർജിൽ 400 കിലോമീറ്റർ റേഞ്ച് വാഗ്ദാനം ചെയ്യുന്നു. പുതിയ എം.ജി 4 കൂടുതൽ മൈലേജ് നൽകും. മുമ്പ് എം.ജി. കഴിഞ്ഞ വർഷത്തെ ഷാങ്ഹായ് മോട്ടോർ ഷോയിലാണ് സൈബർസ്റ്റർ കൺസെപ്റ്റ് മോഡൽ അവതരിപ്പിച്ചത്. കൂടാതെ, ഈ വർഷത്തെ ഷാങ്ഹായ് മോട്ടോർ ഷോയിൽ ഒരു പുതിയ കൺസെപ്റ്റ് മോഡൽ അവതരിപ്പിക്കുമെന്നും പ്രതീക്ഷിക്കുന്നു.

ഈ കൺസെപ്റ്റ് മോഡൽ ബൈസ്ബോക്ക് ഇവിയെ അടിസ്ഥാനമാക്കിയുള്ളതാണ്. ഫുൾ ചാർജിൽ 800 കിലോമീറ്റർ വരെ സഞ്ചരിക്കാൻ ഈ കാറിന് കഴിയുമെന്ന് കമ്പനി പറയുന്നു. കൂടാതെ വെറും മൂന്ന് സെക്കൻഡിനുള്ളിൽ മണിക്കൂറിൽ പൂജ്യം മുതൽ 100 ​​കിലോമീറ്റർ വരെ വേഗത കൈവരിക്കാനും ഈ കാറിന് കഴിയും. 

കഴിഞ്ഞ വർഷം ഷാങ്ഹായ് മോട്ടോർ ഷോയിൽ ആദ്യമായി അവതരിപ്പിച്ച സൈബർസ്റ്ററിന്റെ ഒരു പ്രൊഡക്ഷൻ പതിപ്പ്, ഈ വർഷം ഏപ്രിലിൽ നടക്കുന്ന ബീജിംഗ് മോട്ടോർ ഷോയിൽ പ്രദർശിപ്പിക്കാൻ സാധ്യതയുണ്ട്.  2024-ഓടെ എത്തുന്ന മൂന്നാമത്തെ പുതിയ MG ഇതുവരെ സ്ഥിരീകരിച്ചിട്ടില്ല. എന്നാൽ ഉയർന്ന റൈഡിംഗ് വാഹനങ്ങൾക്കായുള്ള ഉപഭോക്തൃ ആവശ്യം കണക്കിലെടുത്ത് ഇത് മൂന്നാമത്തെ എസ്‌യുവി ആയിരിക്കാനാണ് സാധ്യത.

അതേസമയം ഇന്ത്യയിൽ എംജിയുടെ ഇവി പദ്ധതികളെപ്പറ്റി പറയുകയാണെങ്കില്‍ എംജി മോട്ടോഴ്‌സ് കഴിഞ്ഞ വർഷം പ്രീ-ഫേസ്‌ലിഫ്റ്റ് ZS EV-യുടെ 2,296 യൂണിറ്റുകൾ വിറ്റു. 21.99 ലക്ഷം രൂപയ്ക്ക് ZS EV യുടെ ഫെയ്‌സ്‌ലിഫ്റ്റ് മോഡലും എംജി പുറത്തിറക്കി .  അടുത്ത വർഷം മുതൽ വിൽപ്പനയുടെ 25 ശതമാനവും ഇവികളായിരിക്കുമെന്നും കമ്പനി അവകാശപ്പെടുന്നു. 

ഇന്ത്യയിൽ 100 ​​ഫാസ്റ്റ് ചാർജറുകൾ സ്ഥാപിക്കാൻ എം ജി മോട്ടോഴ്‍സ്

ഇന്ത്യയിലെ ഇലക്ട്രിക്ക് വാഹന വിപ്ലവം ത്വരിതപ്പെടുത്തുന്നതിന് ഇന്ത്യയില്‍ ഉടനീളമുള്ള റെസിഡൻഷ്യൽ ഏരിയകളിൽ 1,000 ചാർജിംഗ് പോയിന്റുകൾ സ്ഥാപിക്കുമെന്ന് ചൈനീസ് (Chinese) കാർ നിർമ്മാതാക്കളായ എംജി പ്രഖ്യാപിച്ചു (MG Motors). ചാർജിംഗ് ശൃംഖല കൂടുതൽ വിപുലമാക്കാൻ, ബ്രാൻഡ് 100 50kW DC ഫാസ്റ്റ് ചാർജറുകൾ ഇന്ത്യയിൽ സ്ഥാപിക്കും എന്നും കാര്‍ വാലെ റിപ്പോര്‍ട്ട് ചെയ്യുന്നു.

ഇവി ശ്രേണിയിലെ ഉത്കണ്ഠ കുറയ്ക്കുന്നതിനും ഉപഭോക്താക്കളുടെ ആവശ്യങ്ങൾ നിറവേറ്റുന്നതിനുമായി എംജി ഇന്ത്യ ഒരു ചാർജിംഗ് ഇൻഫ്രാസ്ട്രക്ചർ സൃഷ്‍ടിച്ചതായി കാര്‍ വാലെ റിപ്പോര്‍ട്ട് ചെയ്യുന്നു. ഏത് 15A സോക്കറ്റിലും ZS EV ചാർജ് ചെയ്യാൻ പോർട്ടബിൾ ചാർജിംഗ് കേബിളും ഉപഭോക്താവിന്റെ വീട്ടിലോ ഓഫീസിലോ ഇൻസ്റ്റാൾ ചെയ്യാൻ 7.5kW എസി വാൾ ബോക്‌സ് ചാർജറും ഇത് വാഗ്ദാനം ചെയ്യുന്നു.

ഇതുകൂടാതെ, പ്രധാന ഡീലർഷിപ്പുകളിൽ ബ്രാൻഡ് 24/7 50kW DC ഫാസ്റ്റ് ചാർജറുകൾ സ്ഥാപിച്ചിട്ടുണ്ട്. കൂടാതെ യാത്രയിൽ കാറുകൾ ചാർജ് ചെയ്യാൻ റോഡ് സൈഡ് അസിസ്റ്റൻസും നൽകുന്നു. 1,000 ടൈപ്പ്-2 എസി ചാർജറുകളും 100 50kW DC ഫാസ്റ്റ് ചാർജറുകളും ഈ ഇൻഫ്രാസ്ട്രക്ചറിന്റെ ഭാഗമാകും. ഈ ചാർജിംഗ് സ്റ്റേഷനുകളിൽ മറ്റ് ഇവി ഉടമകൾക്ക് അവരുടെ കാറുകൾ ചാർജ് ചെയ്യാൻ എംജി അനുവദിക്കും.