മോട്ടോര് വാഹനവകുപ്പിന്റെ 20 സേവനങ്ങള് ഇനി ഓണ്ലൈനില്
Synopsis
മോട്ടാര് വാഹനവകുപ്പുമായി ബന്ധപ്പെട്ട 20 സേവനങ്ങള് ഇനി ഓണ്ലൈനില് ലഭ്യമാകും. ഗതാഗതവകുപ്പ് മന്ത്രി എ കെ ശശീന്ദ്രനാണ് ഇക്കാര്യം വ്യക്തമാക്കിയത്.
തിരുവനന്തപുരം: മോട്ടാര് വാഹനവകുപ്പുമായി ബന്ധപ്പെട്ട 20 സേവനങ്ങള് ഇനി ഓണ്ലൈനില് ലഭ്യമാകും. ഗതാഗതവകുപ്പ് മന്ത്രി എ കെ ശശീന്ദ്രനാണ് ഇക്കാര്യം വ്യക്തമാക്കിയത്. ആര്ടിഎ ഓഫീസുകളില് അരുതാത്ത രീതിയില് പല കാര്യങ്ങളും നടക്കുന്നുണ്ടെന്ന പരാതി വ്യാപകമാണെന്നും ഈ പ്രവണതയ്ക്ക് പരിഹാരം കാണുന്നതിനാണ് കൂടുതല് സര്വീസുകള് ഓണ്ലൈനാക്കുന്നതെന്ന് തൃപ്രയാര് സബ് ആര്.ടി.എ. ഓഫീസ് ഉദ്ഘാടനം ചെയ്തു കൊണ്ട് മന്ത്രി പറഞ്ഞു.
ജോലിഭാരം കൂടുതലാണെന്ന ജീവനക്കാരുടെ പരാതി കണക്കിലെടുത്ത് കൂടുതല് ട്രാന്സ്പോര്ട്ട് ഓഫീസുകള് തുറക്കുന്നുണ്ടെന്നു മന്ത്രി പറഞ്ഞു. സംസ്ഥാനത്ത് വാഹനാപകടങ്ങള് ദിനംപ്രതി കൂടിവരുന്ന സാഹചര്യത്തില് വാഹന പരിശോധനകള് കൂടുതല് കര്ശനമാക്കുമെന്നും വാഹന നിയമങ്ങള് ലംഘിക്കുന്നവരില്നിന്ന് കനത്തപിഴ ഈടാക്കാനാണ് തീരുമാനമെന്നും ശശീന്ദ്രന് വ്യക്തമാക്കി.