നായകന്‍ എംഎസ് ധോണിയുടെ നേതൃത്വത്തില്‍ ദുബായിലെ ഐസിസി ക്രിക്കറ്റ് അക്കാഡമിയിലാണ് ടീമിന്റെ പരിശീലനം. ആറ് ദിവസം ക്വാറന്റീന്‍ പൂര്‍ത്തിയാക്കിയ ശേഷമാണ് ടീം പരിശീലനം തുടങ്ങിയത്.
ദുബായ്: ഇന്ത്യന്‍ പ്രീമിയര്‍ ലീഗ് രണ്ടാം ഘട്ടത്തിന് മുന്നോടിയായി ചെന്നൈ സൂപ്പര്‍ കിംഗ്‌സിന്റെ പരിശീലനം തുടങ്ങി. നായകന്‍ എംഎസ് ധോണിയുടെ നേതൃത്വത്തില്‍ ദുബായിലെ ഐസിസി ക്രിക്കറ്റ് അക്കാഡമിയിലാണ് ടീമിന്റെ പരിശീലനം. ആറ് ദിവസം ക്വാറന്റീന്‍ പൂര്‍ത്തിയാക്കിയ ശേഷമാണ് ടീം പരിശീലനം തുടങ്ങിയത്.
ഓസ്‌ട്രേലിയന്‍ പേസര്‍ ജോഷ് ഹെയ്‌സല്‍വുഡും ടീമിനൊപ്പം ചേര്‍ന്നിട്ടുണ്ട്. ഐപിഎല്‍ രണ്ടാം ഘട്ടത്തിനായി പരിശീലനം തുടങ്ങിയ ആദ്യ ടീമാണ് സിഎസ്‌കെ. നിലവിലെ ചാംപ്യന്മാരായ മുംബൈ ഇന്ത്യന്‍സ് ഇന്ന് പരിശീലനം തുടങ്ങും. ഷെയ്ക് സെയ്ദ് സ്റ്റേഡിയത്തിലാണ് മുംബൈ ഇന്ത്യന്‍സിന്റെ
ഒരുക്കം.
ഡല്‍ഹി ക്യാപിറ്റല്‍സ് ടീം നാളെ യുഎഇയിലേക്ക് പുറപ്പെടും. ഡല്‍ഹി നായകന്‍ ശ്രേയസ് അയ്യര്‍ ഫിറ്റ്‌നസ് കോച്ചിനൊപ്പം നേരത്തേ തന്നെ ദുബായില്‍ എത്തിയിട്ടുണ്ട്. സെപ്റ്റംബര്‍ 19നാണ് സീസണ്‍ പുനരാരംഭിക്കുന്നത്.
റോയല്‍ ചലഞ്ചേഴ്‌സ് ബാംഗ്ലൂര്‍ അടക്കമുള്ള മറ്റ് ടീമുകള്‍ വരും ദിവസങ്ങളില്‍ യുഎഇയിലെത്തും.