IND vs SL: ഇന്ത്യക്കെതിരായ ടി20 പരമ്പര, ശ്രീലങ്കന് ടീമിനെ പ്രഖ്യാപിച്ചു, ഫെര്ണാണ്ടോയും മെന്ഡിസുമില്ല
Synopsis
18 അംഗ ടീമില് പാതും നിസങ്ക, കുശാല് മെന്ഡിസ്, ചരിത് അസലങ്ക, ദിനേശ് ചണ്ഡിമല്, ധനുഷ്ക ഗുണതിലക എന്നിവരുമുണ്ട്. വ്യാഴാഴ്ച ധര്മശാലയിലാണ് ഇന്ത്യ-ശ്രീലങ്ക ആദ്യ ടി20 നടക്കുക. അടുത്ത രണ്ട് മത്സരങ്ങള്ക്കും ലഖ്നൗ ആണ് വേദിയാവുക.
കൊളംബോ: അടുത്ത ആഴ്ച ഇന്ത്യക്കെതിരെ ആരംഭിക്കുന്ന മൂന്ന് മത്സരങ്ങളടങ്ങിയ ടി20 പരമ്പരക്കുള്ള ശ്രീലങ്കന് ക്രിക്കറ്റ് ടീമിനെ (India vs Sri Lanka)പ്രഖ്യാപിച്ചു. ഓസ്ട്രേലിയക്കെതിരായ ടി20 പരമ്പരയില് കളിച്ച രമേശ് മെന്ഡിസ്, നുവാന് തുഷാര, അവിഷ്ക ഫെര്ണാണ്ടോ എന്നിവരെ ഒഴിവാക്കി. പരിക്കുമൂലമാണ് മൂന്ന് പേരെയും ഒഴിവാക്കിയത്. ദസുന് ഷനക(Dasun Shanaka)) നായകനാകുന്ന ടീമിന്റെ വൈസ് ക്യാപ്റ്റന് ചരിത് അസലങ്കയാണ്(Charith Asalanka).
18 അംഗ ടീമില് പാതും നിസങ്ക, കുശാല് മെന്ഡിസ്, ചരിത് അസലങ്ക, ദിനേശ് ചണ്ഡിമല്, ധനുഷ്ക ഗുണതിലക എന്നിവരുമുണ്ട്. വ്യാഴാഴ്ച ധര്മശാലയിലാണ് ഇന്ത്യ-ശ്രീലങ്ക ആദ്യ ടി20 നടക്കുക. അടുത്ത രണ്ട് മത്സരങ്ങള്ക്കും ലഖ്നൗ ആണ് വേദിയാവുക.
ഐപിഎല്ലിലെ വില കൂടിയ താരങ്ങളിലൊരാളായ സ്പിന് ഓള് റൗണ്ടര് വാനിന്ദു ഹസരങ്കയും ലങ്കന് ടീമിലുണ്ട്. ഐപിഎല് താരലേലത്തില് 10.75 കോടി രൂപക്കാണ് റോയല് ചലഞ്ചേഴ്സ് ബാംഗ്ലൂര് ഹസരങ്കയെ ടീമിലെടുത്തത്.
ഓസ്ട്രേലിയക്കെതിരാ ടി20 പരമ്പരയില് 1-4ന്റെ തോല്വി വഴങ്ങിയശേഷമാണ് ശ്രീലങ്ക ഇന്ത്യയെ നേരിടാനിറങ്ങുന്നത്. ആദ്യ നാലു മത്സരങ്ങളും തോറ്റ് പരമ്പര കൈവിട്ട ലങ്ക അവസാന മത്സരത്തില് ജയിച്ച് ആത്മവിശ്വാസം തിരിച്ചുപിടിച്ചു. അതേസമയം, വെസ്റ്റ് ഇന്ഡീസിനെതിരായ ടി20 പരമ്പരയില് സമ്പൂര്ണ ജയംനേടിയാണ് ഇന്ത്യ ലങ്കയെ നേരിടാനിറങ്ങുന്നത്.
മലയാളി താരം സഞ്ജു സാംസണ് ഉള്പ്പെടെ ലങ്കക്കെതിരായ ടി20 പരമ്പരക്കുള്ള ഇന്ത്യന് ടീമിനെ കഴിഞ്ഞ ദിവസം പ്രഖ്യാപിച്ചിരുന്നു. ജസ്പ്രീത് ബുമ്ര വൈസ് ക്യാപ്റ്റനാകുന്ന ടീമില് വിരാട് കോലി, റിഷഭ് പന്ത് എന്നിവരില്ല. സഞ്ജുവിനെ വിക്കറ്റ് കീപ്പറായാണ് ടീമിലുള്പ്പെടുത്തിയിരിക്കുന്നത്. വെസ്റ്റ് ഇന്ഡീസിനെതിരായ ടി20 പരമ്പര തൂത്തുവാരിയതോടെ ഐസിസി ടി20 റാങ്കിംഗില് ഒന്നാം സ്ഥാനക്കാരായാണ് ഇന്ത്യ ലങ്കയെ നേരിടാനിറങ്ങുന്നത്.
Sri Lanka squad: Dasun Shanaka (c), Pathum Nissanka, Kusal Mendis, Charith Asalanka, Dinesh Chandimal, Danushka Gunathilaka, Kamil Mishara, Janith Liyanage, Wanindu Hasaranga, Dushmantha Chameera, Lahiru Kumara, Binura Fernando, Shiran Fernando, Maheesh Theekshana, Jeffrey Vandersay, Praveen Jayawickrama, Ashian Daniel (subject to ministerial approval).