വെസ്റ്റ് ഇന്ഡിസിനെതിരായ ഏകദിന പരമ്പര, സഞ്ജുവും സംഘവും യാത്ര തിരിച്ചു
Synopsis
ഏകദിന പരമ്പരയില് നിന്ന് വിശ്രമം അനുവദിച്ച രോഹിത് ശര്മയും റിഷഭ് പന്തും ഇംഗ്ലണ്ടില് ചെറിയ അവധിക്കാലം ആഘോഷിച്ചശേഷം ടി20 പരമ്പരക്ക് മുന്നോടിയായി 27ന് ഇന്ത്യന് ടീമിനൊപ്പം ചേരും. ഇംഗ്ലണ്ടില് നിന്ന് ചാര്ട്ടേര്ഡ് ഫ്ലൈറ്റിലാണ് ധവാന്റെ നേതൃത്വില് ഇന്ത്യന് സംഘം വിന്ഡീസിലെത്തിയത്. രോഹിത്തിന്റെ അഭാവത്തില് ധവാനാണ് ഇന്ത്യയെ മൂന്ന് മത്സരങ്ങളടങ്ങിയ ഏകദിന പരമ്പരയില് ഇന്ത്യയെ നയിക്കുന്നത്. രവീന്ദ്ര ജഡേജയാണ് വൈസ് ക്യാപ്റ്റന്.
മുംബൈ: വെസ്റ്റ് ഇന്ഡീസിനെതിരായ ഏകദിന പരമ്പരക്കായി മലയാളി താരം സഞ്ജു സാംസണ് ഉള്പ്പെടുന്ന സംഘം യാത്ര തിരിച്ചു. സഞ്ജുവിന് പുറമെ റുതുരാജ് ഗെയ്ക്വാദ്, ശുഭ്മാന് ഗില് എന്നിവരാണ് ഇന്ത്യയില് നിന്ന് വിന്ഡീസിലേക്ക് പോയത്. ഇംഗ്ലണ്ടിനെതരായ ഏകദിന പരമ്പരക്കുശേഷം ശിഖര് ധവാന്റെ നേതൃത്വത്തിലുള്ള ഇന്ത്യന് സംഘവും ഇന്ന് വെസ്റ്റ് ഇന്ഡീസിലെത്തിയിരുന്നു.
ഏകദിന പരമ്പരയില് നിന്ന് വിശ്രമം അനുവദിച്ച രോഹിത് ശര്മയും റിഷഭ് പന്തും ഇംഗ്ലണ്ടില് ചെറിയ അവധിക്കാലം ആഘോഷിച്ചശേഷം ടി20 പരമ്പരക്ക് മുന്നോടിയായി 27ന് ഇന്ത്യന് ടീമിനൊപ്പം ചേരും. ഇംഗ്ലണ്ടില് നിന്ന് ചാര്ട്ടേര്ഡ് ഫ്ലൈറ്റിലാണ് ധവാന്റെ നേതൃത്വില് ഇന്ത്യന് സംഘം വിന്ഡീസിലെത്തിയത്. രോഹിത്തിന്റെ അഭാവത്തില് ധവാനാണ് ഇന്ത്യയെ മൂന്ന് മത്സരങ്ങളടങ്ങിയ ഏകദിന പരമ്പരയില് ഇന്ത്യയെ നയിക്കുന്നത്. രവീന്ദ്ര ജഡേജയാണ് വൈസ് ക്യാപ്റ്റന്.
22-ാം തീയതിയാണ് ഏകദിന പരമ്പരയ്ക്ക് തുടക്കമാവുക. 24, 27 തീയതികളിലാണ് രണ്ടും മൂന്നും ഏകദിന മത്സരങ്ങൾ. ഇതിനുശേഷം നടക്കുന്ന അഞ്ച് മത്സരങ്ങളടങ്ങിയ ഈ മാസം 29ന് തുടങ്ങും. ട്വന്റി 20യിൽ രോഹിത് ശർമ ക്യാപ്റ്റനായി തിരിച്ചെത്തും. രോഹിത്തിന് പുറമെ റിഷഭ് പന്ത്, ആര് അശ്വിന്, ഭുവനേശ്വര് കുമാര്, ദിനേശ് കാര്ത്തിക്, ആവേശ് ഖാന്, ഹര്ഷല് പട്ടേല് എന്നിവരും ഇന്ത്യന് ടീമിനൊപ്പം ചേരും. അതേസമയം, ടി20 ടീമില് ഇടമില്ലാത്ത ശിഖര് ധവാന്, സഞ്ജു സാംസണ്, റുതുരാജ് ഗെയ്ക്വാദ് എന്നിവരടക്കമുള്ള താരങ്ങള് നാട്ടിലേക്ക് മടങ്ങും.
ഞാന് ടീമിലുണ്ടായിരുന്നെങ്കില് വിരാട് കോലി ആദ്യ ലോകകപ്പ് ഉയര്ത്തിയേനെ: വിശദമാക്കി എസ് ശ്രീശാന്ത്
വിരാട് കോലി, ജസ്പ്രീത് ബുമ്ര, മുഹമ്മദ് ഷമി എന്നിവര്ക്ക് രണ്ട് പരമ്പരകളിലും പൂര്ണ വിശ്രമം അനുവദിച്ചതിനാല് ഇവര് ഇംഗ്ലണ്ടില് നിന്ന് ഇന്ത്യയിലേക്ക് മടങ്ങും. കോലി കുടുംബത്തോടൊപ്പം അവധിക്കാലം ആഘോഷിച്ചശേഷമാകും നാട്ടിലേക്ക് മടങ്ങുക.
വെസ്റ്റ് ഇന്ഡീസിനെതിരായ ഏകദിന പരമ്പരക്കുള്ള ഇന്ത്യന് ടീം: Shikhar Dhawan (Captain), Ruturaj Gaikwad, Shubman Gill, Deepak Hooda, Suryakumar Yadav, Shreyas Iyer, Ishan Kishan (wk), Sanju Samson (wk), Ravindra Jadeja (vice-captain), Shardul Thakur, Yuzvendra Chahal, Axar Patel, Avesh Khan, Prasidh Krishna, Mohd Siraj, Arshdeep Singh.
വെസ്റ്റ് ഇന്ഡീസിനെതിരായ ടി20 പരമ്പരക്കുള്ള ഇന്ത്യന് ടീം: Rohit Sharma (Captain), Ishan Kishan, KL Rahul (subject to fitness test), Suryakumar Yadav, Deepak Hooda, Shreyas Iyer, Dinesh Karthik, Rishabh Pant, Hardik Pandya, Ravindra Jadeja, Axar Patel, R Ashwin, Ravi Bishnoi, Kuldeep Yadav (subject to fitness test), Bhuvneshwar Kumar, Avesh Khan, Harshal Patel, Arshdeep Singh.