South Africa vs India : ദക്ഷിണാഫ്രിക്കയ്ക്കെതിരെ ആദ്യ ടെസ്റ്റില് ടോസ് വിരാട് കോലിക്ക്; സീനിയര് താരം പുറത്ത്
Synopsis
സെഞ്ചൂറിയനില് ടോസ് നേടിയ ഇന്ത്യന് ക്യാപ്റ്റന് വിരാട് കോലി (Virat Kohli) ബാറ്റിംഗ് തിരഞ്ഞെടുക്കുകയായിരുന്നു. അഞ്ച് ബൗള്മാരുമായിട്ടാണ് ഇന്ത്യ ഇറങ്ങുന്നത്.
സെഞ്ചൂറിയന് : ദക്ഷിണാഫ്രിക്കയ്ക്കെതിരായ (SAvIND) ആദ്യ ടെസ്റ്റില് ഇന്ത്യ ആദ്യം ബാറ്റ് ചെയ്യും. സെഞ്ചൂറിയനില് ടോസ് നേടിയ ഇന്ത്യന് ക്യാപ്റ്റന് വിരാട് കോലി (Virat Kohli) ബാറ്റിംഗ് തിരഞ്ഞെടുക്കുകയായിരുന്നു. അഞ്ച് ബൗള്മാരുമായിട്ടാണ് ഇന്ത്യ ഇറങ്ങുന്നത്.
ഇതില് നാല് പേരും പേസര്മാരാണ്. ഓള്റൗണ്ട് മികവ് കണക്കിലെടുത്ത് ഷാര്ദുല് താക്കൂര് ടീമിലെത്തി. ഇശാന്ത് ശര്മയ്ക്ക് അവസരം നഷ്ടമായി. മുഹമ്മദ് ഷമി, ജസ്പ്രിത് ബുമ്ര, മുഹമ്മദ് സിറാജ് എന്നിവരാണ് മറ്റു പേസര്മാര്. ആര് അശ്വിന് ഏക സ്പിന്നറായി ടീമിലെത്തി.
ബാറ്റിംഗില് പ്രതീക്ഷിച്ചത് പോലെ അജിന്ക്യ രഹാനെയ്ക്ക് പരിചയസമ്പത്ത് ഗുണം ചെയ്തു. മോശം ഫോമിലുള്ള താരത്തിന് പകരം ശ്രേയസ് അയ്യരോ, ഹനുമ വിഹാരിയോ കളിക്കണമെന്ന വാദമുണ്ടായിരുന്നു. ചേതേശ്വര് പൂജാരയും സ്ഥാനം നിലനിര്ത്തി. കെ എല് രാഹുല്, മായങ്ക് അഗര്വാള് ഇന്നിംഗ്സ് ഓപ്പണ് ചെയ്യും.
ടീം ഇന്ത്യ: കെ എല് രാഹുല്, മായങ്ക് അഗര്വാള്, ചേതേശ്വര് പൂജാര, വിരാട് കോലി, അജിന്ക്യ രഹാനെ, റിഷഭ് പന്ത്, ആര് അശ്വിന്, ഷാര്ദുല് താക്കൂര്, മുഹമ്മദ് ഷമി, ജസ്പ്രിത് ബുമ്ര, മുഹമ്മദ് സിറാജ്.
ദക്ഷിണാഫ്രിക്ക : ഡീന് എല്ഗാര്, എയ്ഡന് മാര്ക്രം, കീഗന് പീറ്റേഴ്സണ്, റാസി വാന് ഡര് ഡസ്സന്, തെംബ ബവൂമ, ക്വിന്റണ് ഡി കോക്ക്, വിയാന് മള്ഡര്, മാര്കോ ജാന്സണ്, കേശവ് മഹാരാജ്, കഗിസോ റബാദ, ലുംഗി എന്ഗിഡി.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!