ഓൺലൈൻ പണം തട്ടിപ്പ് : തൃശൂർ സ്വദേശിയുടെ പരാതിയിൽ മുഖ്യപ്രതിയെ ജാര്‍ഖണ്ഡിൽ ചെന്ന് പൊക്കി പൊലീസ് 

2021 ഒക്ടോബർ എട്ടിന് ഇരിങ്ങാലക്കുട സ്വദേശിയുടെ 40,000 രൂപ തട്ടിയെടുത്ത കേസിലാണ് ഇയാൾ അറസ്റ്റിലായത്. 

തൃശൂർ : ഓൺലൈനിലൂടെ ആളുകളെ കബളിപ്പിച്ച് പണം തട്ടിയെടുത്ത സംഘത്തിലെ പ്രധാനിയെ തൃശൂർ റൂറൽ സൈബർ ക്രൈം പൊലീസ് സംഘം ജാർഖണ്ഡിൽ നിന്നും അറസ്റ്റ് ചെയ്തു. ജാർഖണ്ഡ് സ്വദേശി അജിത് കുമാർ മണ്ഡലാണ് അറസ്റ്റിലായത്. 2021 ഒക്ടോബർ എട്ടിന് ഇരിങ്ങാലക്കുട സ്വദേശിയുടെ 40,000 രൂപ തട്ടിയെടുത്ത കേസിലാണ് ഇയാൾ അറസ്റ്റിലായത്.