മദ്യപിച്ച് ഓടുന്ന കാറിന് മുകളില് പുഷ് അപ് എടുത്ത് യുവാവ്; കേസ്, പിഴ
Synopsis
കാറിന് മുകളിലിരുന്ന മദ്യപിക്കുന്നതും സുഹൃത്തുക്കള് രണ്ട് പേര് കാര് വിന്ഡോയിലൂടെ പുറത്തേക്ക് ഇരിക്കുന്നതും കാണാന് കഴിയും. വിന്ഡോയില് ഇരിക്കുന്ന യുവാവിന്റെ കൈവശവും മദ്യക്കുപ്പിയുണ്ട്
ഗുരുഗ്രാം: അമിത വേഗതയില് വാഹനം ഓടിക്കുന്നതും മദ്യപിച്ച് വാഹനം ഓടിക്കുന്നതും വാഹനത്തിന് മുകളില് കയറി നൃത്തം ചെയ്യാന് ശ്രമിക്കുന്നതടക്കമുള്ള സംഭവങ്ങള് ദിവസേന രാജ്യത്ത് കൂടിവരികയാണ്. ഇതിനിടയില് ഓടുന്ന കാറിന് മുകളില് കയറി പുഷ് അപ് ചെയ്ത യുവാവിനെ തിരയുകയാണ് പൊലീസ്. ഹരിയാനയിലെ ഗുരുഗ്രാമിലാണ് സംഭവം.
സാമാന്യം നല്ല സ്പീഡില് പോകുന്ന കാറിന് മുകളില് കയറി പുഷ് അപ് ചെയ്യുന്ന യുവാവിന്റെ വീഡിയോ സമൂഹമാധ്യമങ്ങളില് വൈറലായത് ഏതാനും ദിവസങ്ങള്ക്ക് മുന്പാണ്. വാഹനത്തിന്റെ നമ്പര് വച്ച് ഉടമയ്ക്ക് ഇതിനോടകം 6500 പിഴ ഇട്ടെങ്കിലും പൊലീസിനും മോട്ടോര് വെഹിക്കിള് ഡിപ്പാര്ട്ട്മെന്റിനും ഇനിയും പിടി നല്കിയിട്ടില്ല അതിസാഹസം കാണിച്ച യുവാവ്.
നിയമ ലംഘനത്തിന് ഉപയോഗിച്ച കാര് പൊലീസ് കണ്ടെത്തിയിട്ടുണ്ട്. സംഭവത്തില് ലോകേഷ് എന്നൊരാളെ പൊലീസ് അറസ്റ്റ് ചെയ്തിട്ടുമുണ്ടെന്നാണ് പ്രാദേശിക മാധ്യമങ്ങള് വിശദമാക്കുന്നത്. ചൊവ്വാഴ്ച രാവിലെ മുതലാണ് വീഡിയോ ട്വിറ്റര് അടക്കമുള്ള സമൂഹമാധ്യമങ്ങളില് വൈറലായത്.
റോഡില് നിറയെ വാഹനങ്ങളുള്ള സമയത്ത് കാറിന് മുകളിലിരുന്ന മദ്യപിക്കുന്നതും സുഹൃത്തുക്കള് രണ്ട് പേര് കാര് വിന്ഡോയിലൂടെ പുറത്തേക്ക് ഇരിക്കുന്നതും കാണാന് കഴിയും. വിന്ഡോയില് ഇരിക്കുന്ന യുവാവിന്റെ കൈവശവും മദ്യക്കുപ്പികള് കാണാന് കഴിയും.
സുഹൃത്തിനൊപ്പം ഇരുന്ന യുവതിയെ തട്ടിക്കൊണ്ടുപോയി; ഓടുന്ന കാറിൽ കൂട്ടബലാത്സംഗം ചെയ്തു; 4 പേർ പിടിയിൽ
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam