വെടിയുണ്ടകള്‍ കൈവശം വച്ച പതിനാറുകാരന്‍ അറസ്റ്റില്‍

വെള്ളിയാഴ്ച മെട്രോ സ്റ്റേഷനില്‍ നടത്തിയ പരിശോധനക്കിടെയാണ് കൗമാരക്കാരന്‍റെ ബാഗില്‍ നിന്നും സി ഐ എസ് എഫ് വെടിയുണ്ടകള്‍ കണ്ടെത്തിയത്.

ദില്ലി: വെടിയുണ്ടകള്‍ കൈവശം വച്ചതിന് പതിനാറുകാരനെ സിഐഎസ്എഫ് അറസ്റ്റ് ചെയ്തു. ദില്ലിയിലെ മയൂര്‍ വിഹാര്‍ ഫേസ്-2 വിലെ മെട്രോ സ്റ്റേഷനില്‍ നിന്നാണ് 5 വെടിയുണ്ടകളുമായി പതിനാറുകാരന്‍ അറസ്റ്റിലായത്. ഉത്തര്‍പ്രദേശിലെ ഗൗതം ബുദ്ധ് നഗര്‍ സ്വദേശിയെയാണ് അറസ്റ്റ് ചെയ്തത്.

വെള്ളിയാഴ്ച മെട്രോ സ്റ്റേഷനില്‍ നടത്തിയ പരിശോധനക്കിടെയാണ് കൗമാരക്കാരന്‍റെ ബാഗില്‍ നിന്നും സി ഐ എസ് എഫ് വെടിയുണ്ടകള്‍ കണ്ടെത്തിയത്. അഞ്ച് വ്യത്യസ്ത വലിപ്പത്തിലുള്ള വെടിയുണ്ടകളാണ് ഇയാളുടെ ബാഗില്‍ നിന്നും പിടിച്ചെടുത്തത്. ഉദ്യോഗസ്ഥരുടെ ചോദ്യം ചെയ്യലില്‍ കൃത്യമായ മറുപടി നല്‍കാത്തതിനെ തുടര്‍ന്ന് പതിനാറുകാരനെ അറസ്റ്റ് ചെയ്യുകയായിരുന്നെന്ന് വാര്‍ത്താ ഏജന്‍സിയായ എ എന്‍ ഐ റിപ്പോര്‍ട്ട് ചെയ്തു. 

ഏറ്റവും പുതിയ തെരഞ്ഞെടുപ്പ് വാര്‍ത്തകള്‍, തല്‍സമയ വിവരങ്ങള്‍ എല്ലാം അറിയാന്‍ ക്ലിക്ക് ചെയ്യുക . കൂടുതല്‍ തെരഞ്ഞെടുപ്പ് അപ്ഡേഷനുകൾക്കായി ഏഷ്യാനെറ്റ് ന്യൂസ് ഫേസ്ബുക്ക് , ട്വിറ്റര്‍  , ഇന്‍സ്റ്റഗ്രാം , യൂട്യൂബ് അക്കൌണ്ടുകള്‍ ഫോളോ ചെയ്യൂ. സമഗ്രവും കൃത്യവുമായ തെരഞ്ഞെടുപ്പ് ഫലങ്ങള്‍ക്കായി മെയ് 23ന് ഏഷ്യാനെറ്റ് ന്യൂസ് പ്ലാറ്റ്‍ഫോമുകൾ പിന്തുടരുക.