വിഷവാതകം ചോർന്നു; തൊഴിലാളികൾ ​ഗുരുതരാവസ്ഥയിൽ

എട്ടാം നമ്പർ ഫർണസിലാണ് ചോർച്ച ഉണ്ടായതെന്നും സ്ഥിതി നിയന്ത്രണ വിധേയമായെന്നും പ്ലാന്റ് അധികൃതർ അറിയിച്ചു. ഫർണസിനുള്ളിൽ മർദ്ദം വർദ്ധിച്ചതാണ് വാതക ചോർച്ചയ്ക്ക് കാരണമായതെന്ന് അധികൃതർ കൂട്ടിച്ചേർക്കുന്നു.

ചത്തീസ്​ഗണ്ഡ‍്: ഛത്തീസ്​ഗണ്ഡിലെ ദുർ​ഗ് ജില്ലയിലെ സ്റ്റീൽ അതോറിറ്റി ഓഫ് ഇന്ത്യയുടെ വാതകപ്ലാന്റിൽ വിഷവാതകം ചോർന്നതിനെ തുടർന്ന് ആറ് തൊഴിലാളികൾ ​ഗുരുതരാവസ്ഥയിൽ. ഇവരെ ഭിലായിയിലെ ജവഹർലാൽ നെഹ്റു ഹോസ്പിറ്റൽ ആന്റ് റിസർച്ച് സെന്ററിലേക്ക് കൊണ്ടുപോയി. ഇവരുടെ ആരോ​ഗ്യനില അപകടത്തിലാണെന്ന് ഡോക്ടർമാർ‌ സാക്ഷ്യപ്പെടുത്തി. 

എട്ടാം നമ്പർ ഫർണസിലാണ് ചോർച്ച ഉണ്ടായതെന്നും സ്ഥിതി നിയന്ത്രണ വിധേയമായെന്നും പ്ലാന്റ് അധികൃതർ അറിയിച്ചു. ഫർണസിനുള്ളിൽ മർദ്ദം വർദ്ധിച്ചതാണ് വാതക ചോർച്ചയ്ക്ക് കാരണമായതെന്ന് അധികൃതർ കൂട്ടിച്ചേർക്കുന്നു. മൂന്നുപേരുടെ അവസ്ഥ അതീവ​ഗുരുതരമാണെന്ന് ഡോക്ടർമാർ വ്യക്തമാക്കി. അഭിഷേക് ആനന്ദ്, കെ. നാ​ഗരാജ്, ബാലകൃഷ്ണ, സന്തോഷ് കുമാർ, കാളിദാസ് എന്നിവരാണ് ആശുപത്രിയിലുളളത്.