സൂപ്പര്‍ ഹിറ്റടിച്ച് മോഹന്‍ലാല്‍ പ്രൊമോ; ബി​ഗ് ബോസിലേക്ക് ഇത്തവണ വിവാദ താരങ്ങൾ, പ്രെഡിക്ഷൻ ലിസ്റ്റ്

സോഷ്യൽ മീഡിയയിലെ വിവാദ താരങ്ങളും സിനിമ-സീരിയൽ രം​ഗത്തുള്ളവരുമെല്ലാം ലിസ്റ്റിലുണ്ട്.

ഏറെ നാളത്തെ കാത്തിരിപ്പുകൾക്ക് ഒടുവിൽ ബി​ഗ് ബോസ് മലയാളം സീസൺ 7ന്റെ പ്രൊമോ ഏതാനും ദിവസങ്ങൾക്ക് മുൻപ് പുറത്തുവിട്ടിരുന്നു. ഫുൾ ബ്ലാക്കിൽ മാസായി എത്തിയ മോഹൻലാലിന്റെ പ്രൊമോ ബി​ഗ് ബോസ് പ്രേക്ഷകർ മാത്രമല്ല കേരളക്കര ഒന്നാകെ ഏറ്റെടുത്തിരുന്നു. പ്രൊമോ ഹിറ്റായതിന് പിന്നാലെ ഷോയിലേക്കുള്ള മത്സരാർത്ഥികളുടെ പ്രെഡിക്ഷൻ ലിസ്റ്റുകളും പുറത്തുവരികയാണ്.

സോഷ്യൽ മീഡിയയിലെ വിവാദ താരങ്ങളും സിനിമ-സീരിയൽ രം​ഗത്തുള്ളവരുമെല്ലാം ലിസ്റ്റിലുണ്ട്. ബി​ഗ് ബോസ് മല്ലു ടോക്സിന്റേതാണ് പ്രെഡിക്ഷൻ ലിസ്റ്റ്. രേണു സുധി, ആർ ജെ അഞ്ജലി, ആദിത്യൻ ജയൻ, ജിഷിൻ മോഹൻ, ബിനീഷ് ബാസ്റ്റിൻ തുടങ്ങി കഴിഞ്ഞ പ്രെഡിക്ഷൻ ലിസ്റ്റിലുള്ളവരും പുതിയ ആൾക്കാരും ഇത്തവണ ഇടം പിടിച്ചിട്ടുണ്ട്. ഭൂരിഭാ​ഗം പേരും ഏതെങ്കിലും തരത്തിൽ വിവാദങ്ങളിൽ അകപ്പെട്ടവരാണ് എന്നത് ഏറെ ശ്രദ്ധേയമാണ്. ഇത്തവണ നടൻ അപ്പാനി ശരത്തിന്റെ പേരും ഉയർന്ന് കേൾക്കുന്നുണ്ട്. അതേസമയം, കോമണർ മത്സരാർത്ഥികൾക്കുള്ള മൈജി കോൺണ്ടക്സ്റ്റ് പുരോ​ഗമിക്കുകയാണ്.

പുതിയ പ്രെഡിക്ഷന്‍ ലിസ്റ്റുകള്‍ ഇങ്ങനെ

• ഇഷാനി ഇഷ- അഭിനേത്രി, മോഡൽ, നർത്തകി, ​ഗായിക
• ആദില, നൂറ(ആദില നസ്രിൻ, നൂറ ഫാത്തിമ)- കണ്ടന്റ് ക്രിയേറ്റേഴ്സ് ആണ്. വിവാദങ്ങളോട് പോരാടി മുന്നോട്ട് പോകുന്ന ലെസ്ബിയൻ കപ്പിൾസ്.
• ആർ ജെ അഞ്ജലി- കണ്ടന്‍റ് ക്രിയേറ്റര്‍, മുന്‍ റോഡിയോ ജോക്കി
• അപ്പാനി ശരത്ത്- മലയാള ചലച്ചിത്ര നടന്‍
• ആദിത്യന്‍ ജയന്‍- സീരിയല്‍ നടന്‍
• അനുമോള്‍- അഭിനേത്രി, ടിവി ഷോ താരം
• റോഹന്‍ ലോണ- അവതാരകന്‍
• ജിഷിന്‍ മോഹന്‍- സീരിയല്‍ നടന്‍
• ബിനീഷ് ബാസ്റ്റിന്‍- നടന്‍
• സ്വീറ്റി ബെര്‍ണാഡ്- ട്രാന്‍സ് വുമണ്‍, അവതാരക, അഭിനേത്രി, ഡബ്ബിംഗ് ആര്‍ട്ടിസ്റ്റ്
• രേണു സുധി- സോഷ്യല്‍ മീഡിയ വൈറല്‍ താരം
• ജാസി- ട്രാന്‍സ്ജെന്‍റര്‍, സോഷ്യല്‍ മീഡിയ ഇന്‍ഫ്ലുവന്‍സര്‍
• ബിജു സോപാനം- നടന്‍
• മസ്താനി- നടിയും മോഡലും(ബസില്‍ മോശമായി പെരുമാറിയ സവാദ് എന്നയാള്‍ക്ക് എതിരെ രംഗത്ത് വന്ന് ശ്രദ്ധനേടി)