മൂന്ന് ദിവസങ്ങളിലായി അവസാനിച്ച മത്സരത്തില്‍ പ്രതീക്ഷിക്കാത്ത ചിലര്‍ മികച്ച പ്രകടനം നടത്തിയവര്‍ മറ്റു ചിലര്‍ പ്രതീക്ഷയ്ക്കൊത്ത് ഉയര്‍ന്നുമില്ല. വീക്കിലി ടാസ്‍കിലെ പോയിന്‍റുനില ഇന്നാണ് ബിഗ് ബോസ് പ്രഖ്യാപിച്ചത്.
ബിഗ് ബോസ് മലയാളം സീസണ്‍ 3ലെ രസകരമായ മറ്റൊരു വീക്കിലി ടാസ്‍കിനു കൂടി ഇന്നലെ അവസാനമായി. 'വില്‍ക്കാനുണ്ട് സ്വപ്നങ്ങള്‍' എന്നു പേരിട്ടിരുന്ന ടാസ്‍കില്‍ ആക്റ്റിവിറ്റി ഏരിയയില്‍ പ്രത്യേകം തയ്യാറാക്കിയ ഒരു വേദിയില്‍ കലാപ്രകടനങ്ങള്‍ അവതരിപ്പിക്കാനുള്ള അവസരമാണ് ബിഗ് ബോസ് മത്സരാര്‍ഥികള്‍ക്ക് നല്‍കിയത്. ഓരോ മത്സരാര്‍ഥിക്കും അവരവരുടെ ചിത്രം ആലേഖനം ചെയ്ത കോയിനുകളും നല്‍കിയിരുന്നു. ഓരോ പ്രകടനവും വിലയിരുത്തി തങ്ങളുടെ പക്കലുള്ള കോയിനുകള്‍ മറ്റുള്ളവര്‍ക്ക് നല്‍കണമായിരുന്നു. മൂന്ന് ദിവസങ്ങളിലായി അവസാനിച്ച മത്സരത്തില്‍ പ്രതീക്ഷിക്കാത്ത ചിലര്‍ മികച്ച പ്രകടനം നടത്തിയവര്‍ മറ്റു ചിലര്‍ പ്രതീക്ഷയ്ക്കൊത്ത് ഉയര്‍ന്നുമില്ല. വീക്കിലി ടാസ്‍കിലെ പോയിന്‍റുനില ഇന്നാണ് ബിഗ് ബോസ് പ്രഖ്യാപിച്ചത്.
വീക്കിലി ടാസ്‍കിലെ പോയിന്‍റ് നില
റംസാന്‍- 265
കിടിലം ഫിറോസ്- 255
ഡിമ്പല്‍- 245
അഡോണി- 230
നോബി- 215
സജിന-ഫിറോസ്- 215
സന്ധ്യ- 205
രമ്യ- 200
സൂര്യ- 175
മണിക്കുട്ടന്‍- 170
അനൂപ്- 160
റിതു- 130
സായ്- 125
ഇതനുസരിച്ച് ഏറ്റവുമധികം പോയിന്‍റുകള്‍ നേടിയ റംസാന്‍, കിടിലം ഫിറോസ്, ഡിമ്പല്‍ എന്നിവരാണ് അടുത്ത വാരത്തിലെ ക്യാപ്‍റ്റന്‍സിക്കുവേണ്ടിയുള്ള ടാസ്‍കില്‍ മത്സരിക്കുക. പോയിന്‍റ് ടേബിളില്‍ ഏറ്റവും താഴെ വന്ന രണ്ടുപേര്‍ സായ് വിഷ്‍ണുവും റിതു മന്ത്രയുമാണ്. റിതുവിന്‍റെ പ്രകടനം പ്രതീക്ഷിച്ചത്ര എത്തിയില്ലെന്ന അഭിപ്രായക്കാരായിരുന്നു ഭൂരിപക്ഷം മത്സരാര്‍ഥികളുമെങ്കില്‍ സായ് വിഷ്‍ണുവിന്‍റെ പ്രകടനം മികച്ചതായിരുന്നെന്ന അഭിപ്രായക്കാരായിരുന്നു മിക്ക മത്സരാര്‍ഥികളും. എന്നിട്ടും സായിക്ക് പോയിന്‍റ് കുറയാന്‍ കാരണം ഏറ്റവും അവസാനം പെര്‍ഫോം ചെയ്യാനായി എത്തി എന്നതായിരുന്നു. പലരുടെയും കൈയിലുള്ള കോയിനുകള്‍ ഈ സമയത്തേക്ക് തീര്‍ന്നിരുന്നു.