'വലിയൊരു നടനായി, മലയാള സിനിമ അം​ഗീകരിക്കട്ടെ'; വിഷ്ണുവിനോട് ജുനൈസ്, രണ്ട് പേർക്ക് തടവ്

ക്യാപ്റ്റൻസി ടാസ്കിൽ മത്സരിച്ച് വിജയിച്ച മിഥുൻ, വിഷ്ണു, ദേവു എന്നിവരെ ആർക്കും ജയിൽ നോമിനേഷനിൽ ഉൾപ്പെടുത്താൻ പാടില്ല. 

ബി​ഗ് ബോസ് സീസണുകളിൽ മത്സാരാർത്ഥികൾ പോകാൻ മടിക്കുന്ന ഒരു ഏരിയയാണ് ജയിൽ. എന്നാൽ ഓരോ ആഴ്ചയിലെയും വീക്കിലി ടാസ്കിന്റെയും പ്രവർത്തനങ്ങളുടെയും അടിസ്ഥാനത്തിൽ ആണ് ജയിലിൽ പോകേണ്ടവരെ തെരഞ്ഞെടുക്കുക. മത്സരാർത്ഥികളുടെ വോട്ടിന്റെ അടിസ്ഥാനത്തിൽ ആയിരിക്കും ഇത്. പുതിയ ജയിൽ നോമിനേഷനോടെയാണ് ഇന്ന് ബി​ഗ് ബോസ് സീസൺ അഞ്ച് ആരംഭിച്ചത്. 

ക്യാപ്റ്റൻസി ടാസ്കിൽ മത്സരിച്ച് വിജയിച്ച മിഥുൻ, വിഷ്ണു, ദേവു എന്നിവരെ ആർക്കും ജയിൽ നോമിനേഷനിൽ ഉൾപ്പെടുത്താൻ പാടില്ലെന്ന് ബി​ഗ് ബോസ് നിർദ്ദേശം നൽകി. പിന്നാലെ ഓരോരുത്തരും അവരവരുടെ വോട്ടുകൾ അറിയിക്കുക ആയിരുന്നു. ഒടുവിൽ ഏറ്റവും കൂടുതൽ നോമിനേഷൻ നേടി ഒമർ ലുലുവും നാദിറയും ജയിലിലേക്ക് പോകുകയും ചെയ്തു. 

വിഷ്ണു- ജുനൈസ്, ഒമർ ലുലു
ഷിജു- റിനോഷ്, നാദിറ
മനീഷ- ഒമർ ലുലു, നാദിറ
ദേവു- ഒമർ ലുലു, നാദിറ
നാദിറ- ഒമർ ലുലു, അഖിൽ മാരാർ
ഒമർ ലുലു- നാദിറ, മനീഷ
റിനോഷ്- നാദിറ, ശ്രുതി ലക്ഷ്മി
ശ്രുതി- ഒമർ ലുലു, അഖിൽ മാരാർ
ജുനൈസ്- നാദിറ, മനീഷ
ശോഭ- സെറീന, നാദിറ
സാ​ഗർ- നാദിറ, ഒമർ ലുലു

നോമിനേഷനിടെ ജുനൈസ് സംസാരിക്കുമ്പോൾ വിഷ്ണു കളിയാക്കി ചിരിച്ചത് ചെറിയ തർക്കത്തിന് വഴിവച്ചിരുന്നു. ജുനൈസ് മുന്നിൽ വന്ന് നിന്നത് മുതൽ വിഷ്ണു ചിരിക്കുക ആയിരുന്നു. പലരും തനിക്ക് നെ​ഗറ്റീവ് ആയി വരുമെന്ന് പറഞ്ഞ് പിന്തിരിപ്പിച്ചതിന് പിന്നാലെയാണ് അവസ്ഥ കൂളായി മാറിയത്. 'വലിയൊരു നടനായി, മലയാള സിനിമ അം​ഗീകരിക്കട്ടെ' എന്ന് പറഞ്ഞ് കൊണ്ടാണ് ജുനൈസ് തിരികെ പോയത്.