K S Sethumadhavan : 'ചലച്ചിത്ര ലോകത്തെ ഗുരുവും മാർഗ്ഗദർശിയും', കെ എസ് സേതുമാധവനെ അനുസ്മരിച്ച് മോഹൻലാല്
Synopsis
അന്തരിച്ച സംവിധായകൻ കെ എസ് സേതുമാധവനെ അനുസ്മരിച്ച് മോഹൻലാല്.
മലയാളത്തിന്റെ മികച്ച സംവിധായകരില് ഒരാളായ കെ എസ് സേതുമാധവൻ (Mohanlal) യാത്രയായിരിക്കുന്നു. ഇന്ന് പേരുംപെരുമയുള്ള മലയാള സിനിമയ്ക്ക് അടിത്തറ പാകിയത് കെ എസ് സേതുമാധവനായിരുന്നു. നാടകീയമായ ആഖ്യാനങ്ങളോടെയുള്ള മലയാള സിനിമയെ വഴി മാറ്റി നടത്തിയത് കെ എസ് സേതുമാധവനാണ്. കെ എസ് സേതുമാധവന്റെ വിയോഗത്തില് ആദരാഞ്ജലികള് അര്പ്പിക്കുകയാണ് നടൻ മോഹൻലാല് (Mohanlal).
മലയാള സിനിമയെ മാറ്റത്തിന്റെ പാതയിലൂടെ നയിക്കുകയും സാഹിത്യത്തെ ഈ കലാരൂപത്തോട് അടുപ്പിക്കുകയും ചെയ്ത അനുഗ്രഹീത ചലച്ചിത്രകാരൻ ശ്രീ കെ.എസ് സേതുമാധവൻ സാറിന് ആദരാഞ്ലികൾ. മലയാളം ഉൾപ്പെടെ അഞ്ചുഭാഷകളിൽ തന്റെ പ്രതിഭ തെളിയിച്ച അദ്ദേഹം ചലച്ചിത്ര ലോകത്തെ ഗുരുവും മാർഗ്ഗദർശിയുമായിരുന്നു. സാറിന്റെ ഓർമ്മകൾക്ക് മുന്നിൽ പ്രണാമം എന്നുമാണ് മോഹൻലാല് എഴുതിയിരിക്കുന്നത്. കെ എസ് സേതുമാധവന്റെ ഫോട്ടോയും മോഹൻലാല് പങ്കുവെച്ചിരിക്കുന്നു.
കെ എസ് സേതുമാധവന്റെ സംവിധാനത്തില് മോഹൻലാല് അഭിനയിച്ചിട്ടുമുണ്ട്. 'അറിയാത്ത വീഥികള്' എന്ന ചിത്രമാണ് അതിലൊന്ന്. 'അവിടത്തെ പോലെ ഇവിടെയുംട സിനിമയില് മോഹൻലാലും മമ്മൂട്ടിയും കെ എസ് സേതുമാധവന്റെ സംവിധാനത്തില് മത്സരിച്ച് അഭിനയിക്കുകയും ചെയ്തു. കെ എസ് സേതുമാധവൻ ചിത്രം വൻ ഹിറ്റായി മാറുകയും ചെയ്തിരുന്നു.
കെ എസ് സേതുമാധവൻ ആദ്യമായി മലയാളത്തില് സംവിധാനം ചെയ്തത് 'ജ്ഞാനസുന്ദരി'യാണ്. 'വീരവിജയ' എന്ന സിംഹളീസ് ചിത്രത്തിലൂടെ 1960ല് കെ എസ് സേതുമാധവൻ ആദ്യമായി സ്വതന്ത്ര സംവിധായകനായി. മറുപക്കം എന്ന തമിഴ് ചിത്രം കെ എസ് സേതുമാധവന്റെ സംവിധാനത്തില് ദേശീയ അവാര്ഡ് നേടി. മലയാളത്തിന്റെ സാഹിത്യ കൃതികള് സിനിമയാക്കിയ വിജയിപ്പിച്ച സംവിധായകരില് ഒന്നാമനാണ് കെ എസ് സേതുമാധവൻ.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ