'ഷാരൂഖ് ഇക്ക നിങ്ങള്‍ക്ക് ജവാന്‍ എങ്ങനെയാണ് കിട്ടിയത്', കത്തുമായി പുതുമുഖ മലയാള സംവിധായകന്‍

നടൻ ഷാരുഖ് ഖാന് കത്തെഴുതി സംവിധായകൻ സി സി.  

ഷാരുഖ് ഖാനും അറ്റ്‌ലിക്കും കത്തുമായി സംവിധായകന്‍ സിസി. ഷാരൂഖിന്റെ പുതിയ ചിത്രമായ 'ജവാന്' എങ്ങനെയാണ് ആ പേര് സെൻസര്‍ ബോര്‍ഡിനെ പേടിക്കാതെ കിട്ടിയതെന്ന് ചോദിച്ചുകൊണ്ടാണ് കത്ത്. 'കൊറോണ ജവാൻ' എന്നായിരുന്നു ഞങ്ങളുടെ സിനിമയുടെ പേര്. എന്നാല്‍ സെന്‍സര്‍ ബോര്‍ഡിനെ പേടിച്ച് 'കൊറോണ ധവാന്‍' എന്നാക്കി മാറ്റിയെന്നും കത്തില്‍ വ്യക്തമാക്കുന്നു.

ലുക്മാന്‍, ശ്രീനാഥ് ഭാസി എന്നിവര്‍ക്കൊപ്പം ജോണി ആന്‍റണി, ശരത് സഭ, ഇര്‍ഷാദ് അലി, ബിറ്റോ, ശ്രുതി ജയന്‍, ഉണ്ണി നായര്‍, സിനോജ് അങ്കമാലി, ധര്‍മജന്‍ ബോള്‍ഗാട്ടി, വിജിലേഷ്, അനീഷ് ഗോപാല്‍, സുനില്‍ സുഗത, ശിവജി ഗുരുവായൂര്‍ തുടങ്ങി നിരവധി താരങ്ങള്‍ ചിത്രത്തില്‍ അണിനിരക്കുന്നുണ്ട്. ഒരു മുഴുനീള കോമഡി എന്‍റര്‍ടെയ്‌നറായ ചിത്രത്തിന്‍റെ രചന നിര്‍വ്വഹിച്ചിരിക്കുന്നത് സുജയ് മോഹന്‍രാജ് ആണ്. ജെനീഷ് ജയാനന്ദനാണ് ഛായാഗ്രഹണം നിര്‍വഹിക്കുന്നത്. അജീഷ് ആനന്ദാണ് ചിത്രത്തിന്റെ എഡിറ്റിംഗ്.

'കൊറോണ ധവാന്‍' ജെയിംസ് & ജെറോം പ്രൊഡക്ഷന്‍സിന്‍റെ ബാനറില്‍ ജെയിംസും ജെറോമും ചേര്‍ന്നാണ് നിര്‍മ്മിച്ചിരിക്കുന്നത്. അരുണ്‍ പുരയ്ക്കല്‍, വിനോദ് പ്രസന്നന്‍, റെജി മാത്യൂസ് എന്നിവരാണ് കോ പ്രൊഡ്യൂസര്‍മാര്‍. ലിസ്റ്റിൻ സ്റ്റീഫന്റെ മാജിക് ഫ്രെയിംസാണ് ചിത്രം വിതരണം ചെയ്യുന്നത്. ഓഗസ്റ്റ്‌ നാലിനാണ് ചിത്രത്തിന്റെ റിലീസ്.

കല കണ്ണന്‍ അതിരപ്പിള്ളി ആണ്. കോസ്റ്റ്യും സുജിത് സി എസ്. പ്രദീപ് ഗോപാലകൃഷ്‍ണനാണ് ചിത്രത്തിന്റ ചമയം. ചീഫ് അസ്സോസിയേറ്റ് ഡയറക്ടര്‍ ഹരിസുദന്‍ മേപ്പുറത്തു, അഖില്‍ സി തിലകന്‍, ചീഫ് അസോസിയേറ്റ് ക്യാമറമാന്‍ സുജില്‍ സായി പ്രൊഡക്ഷന്‍ എക്‌സിക്യൂട്ടീവ് ഷൈന്‍ ഉടുമ്പന്‍ചോല, അസോസിയേറ്റ് ഡയറക്ടര്‍ ലിതിന്‍ കെ. ടി, വാസുദേവന്‍ വി യു, അസിസ്റ്റന്‍റ് ഡയറക്ടര്‍ ബേസില്‍ വര്‍ഗീസ് ജോസ്, പ്രൊഡക്ഷന്‍ മാനേജര്‍ അനസ് ഫൈസാന്‍, ശരത് പത്മനാഭന്‍, ഡിസൈന്‍സ് മാമിജോ, പബ്ലിസിറ്റി യെല്ലോ ടൂത്ത്, സ്റ്റില്‍സ് വിഷ്‍ണു എസ് രാജൻ, പിആര്‍ഒ ആതിര ദില്‍ജിത്ത് എന്നിവരുമാണ്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക