'ആമ്പലേ നീലാമ്പലേ', 'ത്രയം' സിനിമയിലെ വീ‍ഡിയോ ഗാനം പുറത്ത്

ധ്യാൻ, നിരഞ്ജ് തുടങ്ങിയവര്‍ പ്രധാന കഥാപാത്രങ്ങളായി വേഷമിടുന്നു.

ധ്യാൻ ശ്രീനിവാസൻ, നിരഞ്‍ജ് മണിയൻപിള്ള രാജു തുടങ്ങിയവര്‍ പ്രധാന കഥാപാത്രങ്ങളാകുന്ന ചിത്രമാണ് 'ത്രയം'. മലയാളത്തിൽ നിയോ-നോയർ ജോണറിൽ വരുന്ന വേറിട്ട ഈ ചിത്രത്തിലെ വീഡിയോ ഗാനം പുറത്തിറങ്ങി. 'ആമ്പലേ നീലാമ്പലേ' എന്ന് തുടങ്ങുന്ന ഗാനം സംഗീതസംവിധാനം നിർവഹിച്ചിരിക്കുന്നത് അരുൺ മുരളീധരൻ ആണ്. കെ എസ് ഹരിശങ്കർ ആലപിച്ച ഈ മനോഹരമായ റൊമാന്റിക് ഗാനത്തിന് മനു മഞ്‍ജിത് ആണ് വരികൾ രചിച്ചിരിക്കുന്നത് .

'അനുഗ്രഹീതൻ ആന്റണി'യിലെ ജനപ്രിയ ഗാനത്തിന് ശേഷം വീണ്ടും അരുൺ മുരളീധരൻ- ഹരിശങ്കർ കൂട്ടുകെട്ട് ഒന്നിക്കുന്ന മറ്റൊരു മെലഡി ഗാനം എന്ന പ്രത്യേകതയും ഈ ഗാനത്തിന് ഉണ്ട്. യുവതാരങ്ങളുടെ ഒരു വല്യ നിര തന്നെ 'ത്രയ'ത്തില്‍ അഭിനയിച്ചിരിക്കുന്നു. ധ്യാൻ ശ്രീനിവാസ്, നിരഞ്‍ജ് മണിയൻപിള്ള രാജു എന്നിവര്‍ക്കൊപ്പം സണ്ണി വെയ്‍ൻ അജു വർഗീസ്, നിരഞ്‍ജന അനൂപ് എന്നിവർ ചിത്രത്തിൽ കേന്ദ്ര കഥപാത്രങ്ങളെ അവതരിപ്പിച്ചിരിക്കുന്നു. തിരക്കേറിയ നഗരത്തിൽ ഒരു ദിവസത്തിനുള്ളിൽ ഒരു കൂട്ടം യുവാക്കളുടെ ജീവിതങ്ങളിലൂടെ ബന്ധിക്കപ്പെട്ടുകിടക്കുന്ന സംഘർഷഭരിതമായ മുഹൂർത്തങ്ങൾ ആണ് ചിത്രത്തിന്റെ ഇതിവൃത്തം.

വർത്തമാനകാലത്തെ യുവാക്കളുടെ ഇടയിൽ നടക്കുന്ന പ്രശ്‍നങ്ങളുടെയും പ്രണയത്തിന്റെയും സംഘർഷങ്ങളുടെയും കഥകൾ ചർച്ചചെയ്യുന്ന സിനിമയാണ് ഇത്. ഡെയ്ന്‍ ഡെവിസ്, രാഹുല്‍ മാധവ്, ചന്ദുനാഥ്, കാര്‍ത്തിക് രാമകൃഷ്‍ണന്‍, ഷാലു റഹീം, ഗോപി കൃഷ്‍ണ കെ വര്‍മ ('തിരികെ' ഫെയിം),  പ്രീതി, ശ്രീജിത്ത് രവി, സുരഭി സന്തോഷ്, അനാര്‍ക്കലി മരയ്ക്കാര്‍, ഡയാന ഹമീദ്, സരയൂ മോഹൻ, വിവേക് അനിരുദ്ധ്, ഷാമില്‍ കെ.എസ് തുടങ്ങിയ താരങ്ങളും പ്രധാനപെട്ട കഥാപാത്രങ്ങളെ അവതരിപ്പിച്ചിരിക്കുന്നു. 'ഗോഡ്‍സ് ഓൺ കൺട്രി' എന്ന ചിത്രത്തിനു ശേഷം അരുൺ കെ ഗോപിനാഥ് തിരക്കഥ, സംഭാഷണമെഴുതുന്ന ചിത്രം പൂർണമായും രാത്രിയിലാണ് ചിത്രീകരിച്ചിരിക്കുന്നത്. അജിത് വിനായക ഫിലിംസിന്റെ ബാനറിൽ വിനായക അജിത്ത് നിർമിച്ചിരിക്കുന്നു.

ചിത്രത്തിന്റെ ഛായാഗ്രഹണം ജിജു സണ്ണി. ചിത്രസംയോജനം രതീഷ് രാജ്, പ്രൊഡക്ഷൻ കൺട്രോളർ സജീവ് ചന്തിരുർ, വസ്‍ത്രാലങ്കാരം സുനിൽ ജോർജ്ജ്, ബുസി ബേബി ജോൺ, മേക്കപ്പ്: പ്രദീപ് ഗോപാലകൃഷ്‍ണൻ എന്നിവരാണ്.  കല സൂരജ് കുറവിലങ്ങാട്  ആണ്. ചീഫ് അസോസിയേറ്റ് ഡയറക്ടർ: ഷിബു രവീന്ദ്രൻ, അസിസ്റ്റന്റ് ഡയറക്ടർ: വിവേക്, പ്രൊഡക്ഷൻ എക്സിക്യൂട്ടിവ് സഫി ആയൂർ, സ്റ്റിൽസ് നവീൻ മുരളി, പരസ്യകല ആന്റണി സ്റ്റീഫൻ, വാർത്ത പ്രചരണം: പി ശിവപ്രസാദ്. എന്നിവരാണ് മറ്റു  പ്രവർത്തകർ.