നടി ജയപ്രദയ്ക്ക് തടവുശിക്ഷ
Synopsis
ജീവനക്കാരുടെ ഇഎസ്ഐ വിഹിതം അടയ്ക്കാത്ത കേസിലാണ് മുൻ എംപിയുമായ നടിക്ക് കോടതി ശിക്ഷ വിധിച്ചത്.
ചലച്ചിത്ര നടിയും മുൻ എംപിയുമായ ജയപ്രദയ്ക്ക് ആറ് മാസം തടവ്. ചെന്നൈ എഗ്മോർ കോടതിയുടേതാണ് ഉത്തരവ്. തീയേറ്റർ നടത്തിപ്പുമായി ബന്ധപ്പെട്ട ഒരു കേസിലാണ് ഉത്തരവ്. ജീവനക്കാരുടെ ഇഎസ്ഐ വിഹിതം അടയ്ക്കാത്തതിനാലാണ് ശിക്ഷ വിധിച്ചത്.
ഹിന്ദിയിലും തെലുങ്കിലും ഒരുകാലത്ത് മിന്നിത്തിളങ്ങിയ താരമായിരുന്നു ജയപ്രദ. മികച്ച നടിക്കുള്ള നന്തി അവാര്ഡും ജയപ്രദയ്ക്ക് ലഭിച്ചിട്ടുണ്ട്. മോഹൻലാല് നായകനായി എത്തിയ ഹിറ്റ് ചിത്രങ്ങളായ 'ദേവദൂതനി'ലും 'പ്രണയ'ത്തിലും ഒരു പ്രധാന വേഷത്തില് ജയപ്രദയുണ്ടായിരുന്നു. മലയാളത്തില് 'കിണര്' എന്ന ചിത്രത്തിലാണ് ഒടുവില് ജയപ്രദ വേഷമിട്ടത്.
തെലുങ്ക് ദേശം പാര്ട്ടിയിലൂടെയാണ് നടി ജയപ്രദ രാഷ്ട്രീയത്തിലേക്ക് എത്തുന്നത്. 1994ല് പാര്ട്ടിക്കായി തെരഞ്ഞെടുപ്പ് പ്രചാരണത്തില് ഭാഗമായിരുന്നു നടി. പിന്നീട് സമാജ്വാദ് പാര്ട്ടിയില് ചേര്ന്നു. ഉത്തര്പ്രദേശില് നിന്ന് ലോക്സഭയിലേക്കും എത്തി.
പാര്ട്ടി വിരുദ്ധ പ്രവര്ത്തനങ്ങളുടെ പേരില് ജയപ്രദ പിന്നീട് പുറത്താക്കപ്പെടുകയും സമാജ്വാദ് പാര്ട്ടിയുടെ മുൻ ജനറല് സെക്രട്ടറി അമര് സിംഗിന്റെ രാഷ്ട്രീ ലോക് മഞ്ചില് ചേര്നനില് പ്രവര്ത്തിക്കുകയും ചെയ്തു. തെരഞ്ഞെടുപ്പില് വിജയിക്കാനാകാത്തതിനാല് അമര് സിംഗിനൊപ്പം ജയപ്രദ ആര്എല്ഡിയില് ചേര്ന്നു. ആര്എല്ഡി ടിക്കറ്റില് ലോക്സഭയിലേക്ക് മത്സരിച്ചെങ്കിലും ജയപ്രദയ്ക്ക് ജയിക്കാനായില്ല. 2019ല് നടി ജയപ്രദ ബിജെപിയില് ചേരുകയും ചെയ്തു.
Read More: റെക്കോര്ഡുകള് തിരുത്തിക്കുറിച്ച് രജനികാന്തിന്റെ 'ജയിലര്', ആദ്യ ദിനം നേടിയത്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ