Vikram Movie : കമൽ ഹാസനൊപ്പം അമിതാഭ് ബച്ചനും ? 'വിക്ര'ത്തിൽ ബിഗ്ബി അതിഥിവേഷത്തിലെന്ന് റിപ്പോർട്ട്
Synopsis
ജൂൺ മൂന്നിനാണ് വിക്രം റിലീസ് ചെയ്യുന്നത്.
കമൽ ഹാസനെ (Kamal Haasan) നായകനാക്കി ലോകേഷ് കനകരാജ് സംവിധാനം ചെയ്യുന്ന 'വിക്രം' എന്ന ചിത്രത്തിനായുള്ള കാത്തിരിപ്പിലാണ് തെന്നിന്ത്യൻ സിനിമാസ്വാദകർ. ചിത്രം ജൂണിൽ പ്രേക്ഷകർക്ക് മുന്നിലെത്തും. ഈ അവസരത്തിൽ ചിത്രത്തിൽ അമിതാഭ് ബച്ചനും(Amitabh Bachchan) എത്തുന്നുവെന്ന റിപ്പോർട്ടുകളാണ് പുറത്തുവരുന്നത്.
ചിത്രത്തിൽ അമിതാഭ് ബച്ചൻ അതിഥി വേഷത്തിലാകും എത്തുകയെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.
സിനിമയ്ക്കായി ഒരു ദിവസം കൊണ്ട് നടൻ തന്റെ ഭാഗങ്ങൾ ചിത്രീകരിച്ചുവെന്നും റിപ്പോർട്ടുകളുണ്ട്. സിനിമയുടെ അവസാന ഭാഗങ്ങളിലായിരിക്കും ബച്ചൻ എത്തുക എന്ന് പറയപ്പെടുന്നു. എന്നാൽ ഇക്കാര്യത്തെ പറ്റി ഔദ്യോഗിക വിശദീകരണങ്ങൾ ഒന്നും തന്നെ വന്നിട്ടില്ല. മുമ്പ് 1985ൽ റിലീസ് ചെയ്ത 'ഗെരാഫ്താർ' എന്ന സിനിമയിൽ കമലഹാസനും ബച്ചനും ഒന്നിച്ച് അഭിനയിച്ചിരുന്നു.
ജൂൺ മൂന്നിനാണ് വിക്രം റിലീസ് ചെയ്യുന്നത്. കാളിദാസ് ജയറാം, ചെമ്പന് വിനോദ് ജോസ്, നരേന് എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ഗിരീഷ് ഗംഗാധരന് ആണ് ചിത്രത്തിന്റെ ഛായാഗ്രഹണം. ലോകേഷ് ചിത്രങ്ങളായ കൈതിയുടെയും മാസ്റ്ററിന്റെയും ഛായാഗ്രാഹകനായ സത്യന് സൂര്യനെയാണ് വിക്രത്തിലും ആദ്യം നിശ്ചയിച്ചിരുന്നതെങ്കിലും അദ്ദേഹത്തിന് മറ്റു പ്രോജക്റ്റുകളുടെ തിരക്കുകള് വന്നതിനാല് പിന്മാറുകയായിരുന്നു.
കമല് ഹാസന്റെ 2020ലെ പിറന്നാള് ദിനത്തിലായിരുന്നു ഈ ചിത്രത്തിന്റെ ടൈറ്റില് പ്രഖ്യാപനം. രാജ്കമല് ഫിലിംസ് ഇന്റര്നാഷണലിന്റെ ബാനറില് കമല്ഹാസനും ആര് മഹേന്ദ്രനും ചേര്ന്നാണ് വിക്രത്തിന്റെ നിര്മ്മാണം. ലോകേഷിനൊപ്പം രത്നകുമാറും ചേര്ന്നാണ് സംഭാഷണങ്ങള് രചിച്ചിരിക്കുന്നത്. സംഗീതം അനിരുദ്ധ് രവിചന്ദര്. എഡിറ്റിംഗ് ഫിലോമിന് രാജ്. സംഘട്ടന സംവിധാനം അന്പറിവ്. കലാസംവിധാനം എന് സതീഷ് കുമാര്, വസ്ത്രാലങ്കാരം പല്ലവി സിംഗ്, വി സായ്, കവിത ജെ, മേക്കപ്പ് ശശി കുമാര്, നൃത്തസംവിധാനം സാന്ഡി. പിആര്ഒ ഡയമണ്ട് ബാബു. ശബ്ദ സങ്കലനം കണ്ണന് ഗണ്പത്. പബ്ലിസിറ്റി ഡിസൈനര് ഗോപി പ്രസന്ന, സൗണ്ട് ഡിസൈനിംഗ് സിങ്ക് സിനിമ, വിഎഫ്എക്സ് യൂണിഫൈ മീഡിയ, പ്രൊഡക്ഷന് കണ്ട്രോളര് എം സെന്തില്, അസോസിയേറ്റ് ഡയറക്ടേഴ്സ് മഗേഷ് ബാലസുബ്രഹ്മണ്യം, സന്തോഷ് കൃഷ്ണന്, സത്യ, വെങ്കി, വിഷ്ണു ഇടവന്, മദ്രാസ് ലോഗി വിഘ്നേഷ്, മേക്കിംഗ് വീഡിയോ എഡിറ്റ് പി ശരത്ത് കുമാര്, ഡിജിറ്റല് മാര്ക്കറ്റിംഗ് പള്സ്, എക്സിക്യൂട്ടീവ് പ്രൊഡ്യൂസര് എസ് സിഡ്നി, മ്യൂസിക് ലേബല് സോണി മ്യൂസിക് എന്റര്ടെയ്ന്മെന്റ് ഇന്ത്യ പ്രൈവറ്റ് ലിമിറ്റഡ്.