'അയാള്‍ക്ക് തന്നെ ഇതെന്തണെന്ന് അറിഞ്ഞൂട, പിന്നെ എന്ത് ടിപ് പറയാനാണ്..'; പ്രണവിനെ ട്രോളി മോഹൻലാൽ

ജൂഡ് ആന്റണി ജോസഫ് സംവിധാനം ചെയ്യുന്ന 'തുടക്കം' എന്ന ചിത്രത്തിലൂടെ മോഹൻലാലിന്റെ മകൾ വിസ്മയ മോഹൻലാൽ നായികയായി അരങ്ങേറ്റം കുറിക്കുന്നു. മോഹൻലാലും ഒരു പ്രധാന കഥാപാത്രത്തെ അവതരിപ്പിക്കുന്ന സിനിമയിൽ ആന്റണി പെരുമ്പാവൂരിന്റെ മകൻ ആശിഷ് ജോ ആന്റണിയും അഭിനയിക്കുന്നുണ്ട്.

മോഹൻലാലിന്റെ മകൾ വിസ്മയ മോഹൻലാൽ നായികയായി സിനിമയിൽ അരങ്ങേറ്റം കുറിക്കുന്ന ചിത്രമാണ് തുടക്കം. ജൂഡ് ആന്റണി ജോസഫ് സംവിധാനം ചെയ്യുന്ന ചിത്രം ഓഗസ്റ്റ് ഏഴിനാണ് തിയേറ്ററുകളിൽ എത്തുന്നത്. മോഹൻലാലും ചിത്രത്തിൽ ഒരു പ്രധാന കഥാപാത്രമായി എത്തുന്നുണ്ട്. ഇന്നലെ പുറത്തുവന്ന ചിത്രത്തിന്റെ ട്രെയിലറിന് മികച്ച പ്രേക്ഷക പ്രതികരണമാണ് ലഭിച്ചുകൊണ്ടിരിക്കുന്നത്.

ഇപ്പോഴിതാ സിനിമയുമായി ബന്ധപ്പെട്ട് ഏഷ്യാനെറ്റ് ന്യൂസിന് നൽകിയ അഭിമുഖത്തിൽ മോഹൻലാൽ പറഞ്ഞ വാക്കുകളാണ് ചർച്ചയാവുന്നത്. ആദ്യ ഷോട്ട് തുടങ്ങുമ്പോൾ ടെൻഷൻ ഉണ്ടായിരുന്നെന്നും, ഷോട്ട് തുടങ്ങും മുൻപ് അച്ഛനോട് ഫോണിൽ സംസാരിച്ച് അനുഗ്രഹം വാങ്ങിയെന്നും വിസ്മയ പറയുന്നു. ഇതിനിടെ പ്രണവ് എന്തേലും ടിപ്സ് തന്നിരുന്നു എന്ന ചോദ്യത്തിന് മോഹൻലാൽ പറഞ്ഞ മറുപടിയാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്. ആരും ടിപ്സ് ഒന്നും തന്നിട്ടില്ലെന്ന് വിസ്മയ പറഞ്ഞപ്പോൾ 'അയാള്‍ക്ക് തന്നെ ഇതെന്തണെന്ന് അറിഞ്ഞൂട, പിന്നെ എന്ത് ടിപ് പറയാനാണ്' എന്നായിരുന്നു പ്രണവിനെ ട്രോളികൊണ്ട് മോഹൻലാലിന്റെ കൗണ്ടർ മറുപടി. നിരവധി പേരാണ് ഈ ക്ലിപ്പ് സമൂഹമാധ്യമങ്ങളിൽ പങ്കുവയ്ക്കുന്നത്.

അതേസമയം 2018 എന്ന സൂപ്പർ ഹിറ്റ് ചിത്രത്തിന് ശേഷം ജൂഡ് സംവിധാനം ചെയ്യുന്ന ചിത്രമാണ് തുടക്കം. യുഎ സർട്ടിഫിക്കറ്റ് ലഭിച്ചിരിക്കുന്ന ചിത്രത്തിൽ മോഹൻലാലും ഒരു പ്രധാന വേഷത്തിൽ എത്തുന്നുണ്ട്. ആന്റണി പെരുമ്പാവൂരിന്റെ മകൻ ആശിഷ് ജോ ആന്റണിയും ചിത്രത്തില്‍ പ്രധാന വേഷത്തിലെത്തുന്നുണ്ട്. ലിനീഷ് നെല്ലിക്കൽ, അഖിൽ കൃഷ്‍ണ, ജൂഡ് ആന്തണി ജോസഫ്, എന്നിവരാണ് തിരക്കഥ രചിച്ചിരിക്കുന്നത്.