പ്രശാന്ത് മുരളിയും ഉണ്ണിരാജയും പ്രധാന കഥാപാത്രങ്ങളായി 'വയസ് എത്രയായി മുപ്പത്തി......?'

പപ്പൻ നരിപ്പറ്റയാണ് ചിത്രത്തിന്റെ സംവിധാനം.

പപ്പൻ നരിപ്പറ്റ സംവിധാനം ചെയ്യുന്ന പുതിയ ചിത്രമാണ് 'വയസ് എത്രയായി മുപ്പത്തി......?'. 'കോട്ടപ്പുറത്തെ കൂട്ടുകുടുംബം', 'മലബാറിൽ നിന്നൊരു മണിമാരൻ', 'ജ്വലനം' , 'കരിങ്കണ്ണൻ', എന്നീ ചിത്രങ്ങൾക്കു ശേഷം പപ്പൻ നരിപ്പറ്റ സംവിധാനം ചെയ്യുന്ന ചിത്രമാണിത്. പുർണ്ണമായും നർമ്മ മുഹുർത്തങ്ങളിലൂടെയാണ് ഈ ചിത്രത്തിന്റെ അവതരണം. പ്രശാന്ത് മുരള , ഉണ്ണി രാജ, നസീർ സംക്രാന്തി, രമ്യ സുരേഷ്, മഞ്ജു പത്രോസ്, എന്നിവരും വി ഫോർ കോമഡി ഷോയിലൂടെ ശ്രദ്ധേയരായ നാലു താരങ്ങളും പപ്പൻ നരിപ്പറ്റിയുടെ ചിത്രത്തിൽ അണിനിരക്കുന്നു.

വളരെ കൗതുകകരമായ അവതരണവും ആശയവുമാണ് ഈ ചിത്രത്തിനു വേണ്ടി സ്വീകരിച്ചിരിക്കുന്നതെന്ന് സംവിധായകനായ പപ്പൻ നരിപ്പറ്റ പറഞ്ഞു. വളരെ ആർഭാടമായി കല്യാണം നടത്തി വിവാഹബന്ധം പിരിഞ്ഞരെ ശപിച്ചു കൊണ്ടും നാൽപ്പതു വയസ്സു കഴിഞ്ഞിട്ടാം പെണ്ണ് കിട്ടാത്തവർക്കു വേണ്ടി പ്രാർത്ഥിച്ചു കൊണ്ടുമാണ് ഈ ചിത്രത്തെ അവതരിപ്പിക്കുന്നത്. സമീർ ജിബ്രാനാണ് ഛായാഗ്രാഹകൻ. കഥക്ക് ഫൈസൽ കാരങ്ങാട്ട് തിരക്കഥ രചിക്കുന്നു.

ഷിജു യു സി യാണ് ഈ ചിത്രം നിർമ്മിക്കുന്നത്. നോ ലിമിറ്റ് സിന്റെ ബാനറിലാണ് ചിത്രത്തിന്റെ നിര്‍മാണം. പ്രൊഡക്ഷൻ ഡിസൈനർ - സുഗുണേഷ് കുറ്റിയിൽ. പ്രൊഡക്ഷൻ കൺട്രോളർ- പ്രേംകുമാർ പറമ്പത്ത്.  തികച്ചും പുതുമയാർന്ന വിവാഹ വിഷയം ചർച്ച ചെയ്യുന്ന ഈ ചിത്രം ജനുവരി മദ്ധ്യത്തിൽ തുടങ്ങും. വടകര, മാഹി, തലശ്ശേരി എന്നിവിടങ്ങളിലായിട്ടാണ് ചിത്രീകരണം  പൂര്‍ത്തിയാക്കുക. മൈസൂരും ലൊക്കേഷനാണ്.

കൈതപ്രത്തിന്റെ  വരികൾക്ക് ഷിബു സുകുമാരൻ  ഈണം പകരുന്ന ചിത്രത്തിന്റെ കലാസംവിധാനം നിര്‍വഹിക്കുന്നത്  നാരായണൻ പന്തിരിക്കര ആണ്. മേക്കപ്പ് -ജിത്തു പയ്യന്നൂർ.  കോസ്റ്റ്യും - ഡിസൈൻ - ഇന്ദ്രൻസ് ജയൻ. പിആര്‍ഒ വാഴൂര്‍ ജോസ് ആണ്.