പൃഥ്വിരാജ് മമ്മൂട്ടിയുടെ പേര് പറഞ്ഞു, കളങ്കാവലില് താരങ്ങള് മാറിയത് ഇങ്ങനെ!
Synopsis
കളങ്കാവലിലെ ഒരു കഥാപാത്രം ചെയ്യേണ്ടിയിരുന്ന താരം പൃഥ്വിരാജായിരുന്നു.
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ ജോസ് സംവിധാനം നിർവ്വഹിച്ച ചിത്രമാണ് കളങ്കാവൽ. ചിത്രത്തില് പൃഥ്വിരാജിനെയായിരുന്നു വിനായകന്റെ വേഷത്തിലേക്ക് ആദ്യം പരിഗണിച്ചത് എന്ന് സംവിധായകൻ ജിതിൻ കെ ജോസ് ക്ലബ് എഫ്എമ്മിന് നല്കിയ അഭിമുഖത്തില് പറഞ്ഞു. ഇന്ന് കളങ്കാവലിന്റെ ട്രെയിലര് പുറത്തുവിടും. ഇന്ന് വൈകുന്നേരം ആറ് മണിക്കാണ് ചിത്രത്തിന്റെ ട്രെയിലര് പുറത്തുവിടുക.
പ്രധാനപ്പെട്ട രണ്ട് കഥാപാത്രങ്ങള്ക്ക് സ്പേസുള്ള ചിത്രമാണ് കളങ്കാവല് എന്ന് ജിതിൻ കെ ജോസ് പറയുന്നു. പൃഥ്വിരാജിനോട് ഇതിന്റെ കഥ പറഞ്ഞിരുന്നു. ഇതില് ഒരു കഥാപാത്രമം മമ്മൂക്ക ചെയ്താല് നല്ലതായിരിക്കുമെന്ന് പൃഥ്വിരാജ് പറഞ്ഞു. അപ്പോഴാണ് ഞങ്ങളും അത് മനസ്സിലുണ്ടെന്ന് പൃഥ്വിരാജിനോട് പറഞ്ഞത്. കളങ്കാവലില് വിനായകൻ ചെയ്ത ആ കഥാപാത്രമായിരുന്നു പൃഥ്വിരാജിനു വേണ്ടി നീക്കിവെച്ചിരുന്നത്. പിന്നീട് മമ്മൂക്കയുടെ അവയിലബിലിറ്റി കണക്കിലെടുത്താണ് ഷൂട്ടിലേക്ക് കടന്ന്. ആ സമയത്ത് പൃഥ്വിരാജ് എമ്പുരാൻ അടക്കമുള്ള ചിത്രങ്ങളുടെ തിരക്കിലായി. അപ്പോഴാണ് മറ്റ് നടൻമാരെ നോക്കിയത്. മമ്മൂക്കയാണ് ആ രണ്ടാമത്തെ കഥാപാത്രത്തിലേക്ക് വിനായകനെ നിര്ദ്ദേശിച്ചതെന്നും പറഞ്ഞു ജിതിൻ.
നവംബർ 27 നാണ് ചിത്രം ആഗോള റിലീസായി എത്തുന്നത്. മമ്മൂട്ടി കമ്പനി നിർമ്മിക്കുന്ന ഈ ചിത്രം വേഫറർ ഫിലിംസാണ് കേരളത്തിൽ വിതരണത്തിനെത്തിക്കുന്നത്. ജിഷ്ണു ശ്രീകുമാറും ജിതിൻ കെ ജോസും ചേർന്ന് തിരക്കഥ രചിച്ച കളങ്കാവൽ മമ്മൂട്ടി കമ്പനിയുടെ ബാനറിൽ നിർമ്മിക്കുന്ന ഏഴാമത്തെ ചിത്രമാണ്.ഏഴ് മാസത്തെ ഇടവേളയ്ക്ക് ശേഷം തീയേറ്ററുകളിൽ എത്തുന്ന മമ്മൂട്ടി ചിത്രമെന്ന നിലയിൽ വലിയ ആവേശത്തോടെയാണ് മലയാള സിനിമാ പ്രേമികൾ കളങ്കാവലിനായി കാത്തിരിക്കുന്നത്. ഒരു ക്രൈം ഡ്രാമയായി ഒരുക്കിയ ചിത്രത്തിന്റെ ടീസറിന് വമ്പൻ പ്രേക്ഷക പ്രതികരണമാണ് സമൂഹ മാധ്യമങ്ങളിൽ നിന്ന് ലഭിച്ചത്. ചിത്രത്തിന്റെ പോസ്റ്ററുകളും പ്രേക്ഷകർക്കിടയിൽ സൂപ്പർ ഹിറ്റാണ്. മമ്മൂട്ടി എന്ന മഹാനടൻ്റെ ഗംഭീര അഭിനയ മുഹൂർത്തങ്ങൾ നിറഞ്ഞ ഒരു ത്രില്ലിംഗ് ഡ്രാമ ചിത്രമായിരിക്കും കളങ്കാവൽ എന്നാണ് ചിത്രത്തിന്റെ ഓരോ അപ്ഡേറ്റുകളും നൽകുന്ന സൂചന. സെൻസറിങ് പൂർത്തിയാക്കിയ ചിത്രത്തിന് യു/എ 16+ സർട്ടിഫിക്കറ്റ് ആണ് ലഭിച്ചത്. വലിയ പ്രതീക്ഷയും ആകാംഷയുമാണ് ചിത്രത്തെ കുറിച്ച് പ്രേക്ഷകർക്കുള്ളത്.
എക്സിക്യൂട്ടീവ് പ്രൊഡ്യൂസർ - ജോർജ് സെബാസ്റ്റ്യൻ, ഛായാഗ്രഹണം- ഫൈസൽ അലി, സംഗീതം - മുജീബ് മജീദ്, എഡിറ്റർ - പ്രവീൺ പ്രഭാകർ, ലൈൻ പ്രൊഡ്യൂസർ- സുനിൽ സിംഗ്, പ്രൊഡക്ഷൻ കൺട്രോളർ- അരോമ മോഹൻ, പ്രൊഡക്ഷൻ ഡിസൈനർ- ഷാജി നടുവിൽ, ഫൈനൽ മിക്സ് - എം ആർ രാജാകൃഷ്ണൻ, ചീഫ് അസോസിയേറ്റ് ഡയറക്ടർ- ബോസ്, മേക്കപ്പ്- അമൽ ചന്ദ്രൻ, ജോർജ് സെബാസ്റ്റ്യൻ, വസ്ത്രാലങ്കാരം- അഭിജിത്ത് സി, വരികൾ - വിനായക് ശശികുമാർ, ഹരിത ഹരി ബാബു, കളറിസ്റ്റ് - ലിജു പ്രഭാകർ, സംഘട്ടനം - ആക്ഷൻ സന്തോഷ്, സൗണ്ട് ഡിസൈൻ - കിഷൻ മോഹൻ, വിഎഫ്എക്സ് സൂപ്പർവൈസർ - എസ് സന്തോഷ് രാജു, വിഎഫ്എക്സ് കോഓർഡിനേറ്റർ - ഡിക്സൻ പി ജോ, വിഎഫ്എക്സ് - വിശ്വ എഫ് എക്സ്, സിങ്ക് സൗണ്ട് - സപ്ത റെക്കോർഡ്സ്, സ്റ്റിൽസ്- നിദാദ്, ടൈറ്റിൽ ഡിസൈൻ - ആഷിഫ് സലീം, പബ്ലിസിറ്റി ഡിസൈൻസ്- ആൻ്റണി സ്റ്റീഫൻ, ആഷിഫ് സലീം, ഡിജിറ്റൽ മാർക്കറ്റിംഗ്- വിഷ്ണു സുഗതൻ, ഓവർസീസ് ഡിസ്ട്രിബൂഷൻ പാർട്ണർ- ട്രൂത് ഗ്ലോബൽ ഫിലിംസ്, പിആർഓ - വൈശാഖ് സി വടക്കേവീട്, ജിനു അനിൽകുമാറും ആണ്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക