'ബ്രഹ്മാസ്ത്ര'യിലെ പുതിയ ഗാനം, ടീസര്
Synopsis
രണ്ബിര് കപൂര് നായകനാകുന്ന ചിത്രത്തിലെ ഗാനത്തിന്റെ ടീസര്.
രണ്ബിര് കപൂറും ആലിയ ഭട്ടും പ്രധാന കഥാപാത്രങ്ങളായി എത്തുന്ന പുതിയ സിനിമയാണ് 'ബ്രഹ്മാസ്ത്ര'. 'ബ്രഹ്മാസ്ത്ര പാര്ട്ട് വണ് : ശിവ' സെപ്റ്റംബര് ഒമ്പതിനാണ് തിയറ്ററുകളില് റിലീസ് ചെയ്യുക. അയൻ മുഖര്ജി ആണ് ചിത്രം സംവിധാനം ചെയ്യുന്നത്. ഇപ്പോഴിതാ 'ബ്രഹ്മാസ്ത്ര' എന്ന ചിത്രത്തിലെ പുതിയൊരു ഗാനത്തിന്റെ ടീസര് പുറത്തുവിട്ടിരിക്കുകയാണ് .
'ഡാൻസ് ക ഭൂത്' എന്ന ഗാനത്തിന്റ ടീസര് ആണ് പുറത്തുവിട്ടിരിക്കുന്നത് . 'ഇഷ' എന്ന നായിക കഥാപാത്രമായിട്ട് ചിത്രത്തില് ആലിയ ഭട്ട് ആണ് അഭിനയിക്കുന്നത്. പങ്കജ് കുമാറാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. 'ബ്രഹ്മാസ്ത്ര'യുടെ തെലുങ്ക് ട്രെയിലറിന് ശബ്ദം നല്കിയത് ചിരഞ്ജീവിയാണ്.
ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലാണ് 'ബ്രഹ്മാസ്ത്ര' എത്തുക. രണ്ബീര് കപൂറിന് ഏറെ പ്രതീക്ഷയുള്ള ചിത്രമാണ് 'ബ്രഹ്മാസ്ത്ര'. അമിതാഭ് ബച്ചനും ബ്രഹ്മാസ്ത്ര എന്ന ചിത്രത്തില് അഭിനയിക്കുന്നുവെന്ന പ്രത്യേകതയുണ്ട്. ഹുസൈൻ ദലാലും അയൻ മുഖര്ജിയും ചേര്ന്ന് തിരക്കഥ എഴുതിയിരിക്കുന്നു. എസ് എസ് രാജമൗലിയാണ് മലയാളമുള്പ്പടെയുള്ള തെന്നിന്ത്യൻ ഭാഷകളില് 'ബ്രഹ്മാസ്ത്ര' അവതരിപ്പിക്കുക. നാഗാര്ജുനയും 'ബ്രഹ്മാസ്ത്ര'യില് ഒരു കഥാപാത്രത്തെ അവതരിപ്പിക്കുന്നു. രണ്ട് ഭാഗങ്ങളായിട്ട് ഉള്ള ചിത്രം ആദ്യ ഭാഗം എത്തുന്നത് 'ബ്രഹ്മാസ്ത്ര പാര്ട് വണ്: ശിവ' എന്ന പേരിലാണ്. ഷാരൂഖ് ഖാൻ ചിത്രത്തില് ഒരു അതിഥി വേഷത്തില് എത്തുമെന്നും റിപ്പോര്ട്ടുണ്ട്.
ആലിയ ഭട്ടിന്റേതായി ഏറ്റവും ഒടുവില് പ്രദര്ശനത്തിന് എത്തിയ ചിത്രം 'ഡാര്ലിംഗ്സ്' ആണ്. നെറ്റ്ഫ്ലിക്സില് ഡയറക്ട് റിലീസ് ആയിട്ടാണ് ചിത്രം എത്തിയത്. വിജയ് വര്മയും ഷെഫാലി ഷായും റോഷൻ മാത്യുവും ചിത്രത്തില് മറ്റ് പ്രധാന കഥാപാത്രങ്ങളായി എത്തിയിരിക്കുന്നു. ഗാര്ഹിക പീഡനം ചര്ച്ച ചെയ്യുന്ന ചിത്രത്തിന് പ്രേക്ഷകരില് നിന്നും നിരൂപകരില് നിന്നും അഭിനന്ദനങ്ങള് ലഭിക്കുന്നു.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ