പുതുതലമുറയ്ക്കൊപ്പം ജോഷി; 'പൊറിഞ്ചു മറിയം ജോസ്' ട്രെയ്ലര്
Synopsis
കൊച്ചി ലുലു മാളില് നടന്ന ചടങ്ങില് മോഹന്ലാലാണ് ട്രെയ്ലര് പുറത്തിറക്കിയത്. അതേസമയം മമ്മൂട്ടിയും ഫഹദ് ഫാസിലും ദിലീപുമുള്പ്പെടെ മലയാളത്തിലെ 34 താരങ്ങള് തങ്ങളുടെ ഫേസ്ബുക്ക് പേജുകള് വഴിയും ട്രെയ്ലര് ഷെയര് ചെയ്തു.
നാല് വര്ഷത്തെ ഇടവേളയ്ക്ക് ശേഷം ജോഷി സംവിധാനം ചെയ്യുന്ന 'പൊറിഞ്ചു മറിയം ജോസ്' എന്ന ചിത്രത്തിന്റെ ട്രെയ്ലര് പുറത്തെത്തി. ചിത്രത്തിന്റെ എന്റര്ടെയ്നര് സ്വഭാവം വിളിച്ചുപറയുന്നതാണ് രണ്ടര മിനിറ്റ് ദൈര്ഘ്യമുള്ള ട്രെയ്ലര്. കൊച്ചി ലുലു മാളില് നടന്ന ചടങ്ങില് മോഹന്ലാലാണ് ട്രെയ്ലര് പുറത്തിറക്കിയത്. അതേസമയം മമ്മൂട്ടിയും ഫഹദ് ഫാസിലും ദിലീപുമുള്പ്പെടെ മലയാളത്തിലെ 34 താരങ്ങള് തങ്ങളുടെ ഫേസ്ബുക്ക് പേജുകള് വഴിയും ട്രെയ്ലര് ഷെയര് ചെയ്തു.
പൊറിഞ്ചുവായി ജോജു ജോര്ജ്ജും മറിയമായി നൈല ഉഷയും ജോസ് എന്ന കഥാപാത്രമായി ചെമ്പന് വിനോദ് ജോസുമാണ് എത്തുന്നത്. കീര്ത്തന മൂവീസിന്റെ ബാനറില് റെജിമോന് ആണ് നിര്മ്മാണം. ചിത്രത്തിന് കഥയും തിരക്കഥയും എഴുതിയിരിക്കുന്നത് അഭിലാഷ് എന് ചന്ദ്രന് ആണ്. അജയ് ഡേവിഡ് കാച്ചപ്പിള്ളിയാണ് ഛായാഗ്രഹണം. സംഗീതം ജേക്സ് ബിജോയ്. എഡിറ്റിംഗ് ശ്യാം ശശിധരന്.
സിനിമകളുടെ ട്രെയിലർ Movie Trailer മുതൽ എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ Asianet News Malayalam