സര്‍ക്കാര്‍ നടപടികളെ പരിഹസിച്ച് നടന്‍ ജോയ് മാത്യുവിന്‍റെ ട്രോള്‍ പോസ്റ്റ്

ജിഷ്ണു പ്രണോയിയുടെ കുടുംബത്തോടുള്ള അനുഭാവം പിന്‍വലിക്കുന്നുവെന്ന് നടന്‍ ജോയ് മാത്യു. ഡി.ജി.പിയെ കാണാനെത്തിയ ജിഷ്ണുവിന്‍റെ അമ്മയ്‌ക്കൊപ്പം എത്തിയ ഷാജര്‍ഖാനെയും ഹാജഹാനെയും അറസ്റ്റ് ചെയ്തതില്‍ പ്രതിഷേധിച്ചാണ് ജോയ് മാത്യുവിന്‍റെ ട്രോള്‍ പോസ്റ്റ്. അനുഭാവം പ്രകടിപ്പിക്കാന്‍ സമരക്കാരുടെ അരികില്‍ പോയാല്‍ അറസ്റ്റും ഗൂഢാലോചനാക്കുറ്റവും ചുമത്തുന്ന ഈ സമയത്ത് ജിഷ്ണുവിന്‍റെ കുടുംബത്തോട് അനുഭാവം പ്രകടിപ്പിക്കാന്‍ തീരുമാനിച്ച ഞാനിതാ പിന്‍വാങ്ങുന്നു-ജോയ് മാത്യു ഫെയ്‌സ്ബുക്ക് പോസ്റ്റിലൂടെ സര്‍ക്കാറിനെ പരിഹസിക്കുന്നു.

ജോയ് മാത്യുവിന്‍റെ ഫേസ്ബുക്ക് പോസ്റ്റ്

അനുഭാവം പ്രകടിപ്പിക്കാൻ സമരക്കാരുടെ അരികിൽ പോയാൽ അറസ്റ്റും ഗുഡാലോചനാക്കുറ്റവും!
ഷാജഹാനും ഷാജിർ ഖാനും മിനിയും
അങ്ങിനെ ജയിലിലായി-തോക്കില്ലാതെ അതിനടുത്തൂടെ നടന്നുപോയ തോക്ക്‌ സാമി വരെ അകത്തായി-
അതുകൊണ്ട്‌ ജിഷ്ണുവിന്റെ കുടുംബത്തോട്‌
അനുഭാവം പ്രകടിപ്പിക്കാൻ തീരുമാനിച്ച
ഞാനിതാ പിൻവാങ്ങുന്നു-
നോട്ട്‌ കിട്ടാതാവുബോൾ മാത്രം വാ തുറക്കുന്ന സാംസ്കാരിക നയകന്മാരെ മുന്നിൽക്കണ്ട്‌ ഒരു പ്രതിഷേധത്തിനും
ഇനി നമ്മളില്ല