ആരെയും കണ്ണടച്ച് വിശ്വസിക്കരുത്, തിടുക്കത്തിൽ തീരുമാനങ്ങളെടുക്കരുത്; വീഡിയോയുമായി മഹീന

റാഫിയുമായി താൻ വേർപിരിഞ്ഞെന്നും കോമഡി ചെയ്യുന്ന വ്യക്തി അങ്ങനെയെന്ന് കരുതരുത് എന്നും മഹീന പറഞ്ഞിരുന്നു.

ചക്കപ്പഴം എന്ന പരമ്പരയിലൂടെ പ്രേക്ഷകർ ഏറ്റെടുത്ത ഹാസ്യതാരമാണ് റാഫി. സുമേഷ് എന്ന കഥാപാത്രത്തെയാണ് പരമ്പരയിൽ താരം അവതരിപ്പിച്ചത്. ചക്കപ്പഴത്തിന്റെ ഭാഗമായശേഷം നിരവധി സിനിമാ, സീരിയൽ അവസരങ്ങൾ‌ റാഫിക്ക് ലഭിച്ചിരുന്നു. ഈ സീരിയൽ കണ്ടാണ് റാഫിയുടെ ഭാര്യ മഹീന മുന്ന, താരത്തെ ഇഷ്ടപ്പെട്ടതു തന്നെ. ഇവരുടെ വിവാഹചിത്രങ്ങളും സമൂഹമാധ്യമങ്ങളിൽ ശ്രദ്ധ നേടിയിരുന്നു. കഴിഞ്ഞ വർഷം താൻ ദുബായിലേക്കു പോയ കാര്യവും മഹീന അറിയിച്ചിരുന്നു.

ഇടയിൽ ഇടക്ക് നാട്ടിൽ വന്ന വിശേഷങ്ങളും മഹീന തന്റെ വ്ളോഗുകളിലൂടെ പങ്കുവെച്ചിരുന്നു. എന്നാൽ ഈ ഫോട്ടോകളിൽ റാഫി ഉണ്ടായിരുന്നില്ല. തുടർന്ന് റാഫിയുമായി വേർപിരിഞ്ഞോ എന്നുള്ള ചോദ്യങ്ങളും ഉയർന്നിരുന്നു. തുടർന്ന്, റാഫിയുമായി താൻ വേർപിരിഞ്ഞെന്നും കോമഡി ചെയ്യുന്ന വ്യക്തി അങ്ങനെയെന്ന് കരുതരുത് എന്നും മഹീന പറഞ്ഞിരുന്നു. ഇതിന്റെയെല്ലാം തുടർച്ചയെന്നോണമാണ് മഹീനയുടെ പുതിയ വ്ളോഗ്.

''ആളുകളെ കണ്ണടച്ച് വിശ്വസിക്കുന്ന കൂട്ടത്തിലാണ് താനെന്നും അങ്ങനെ ആകരുതെന്ന് പലരും തന്നെ ഉപദേശിക്കാറുണ്ടെന്നും മഹീന പുതിയ വീഡിയോയിൽ പറയുന്നു. അടുത്തിടെയായി എന്റെ വീഡിയോകൾ കണ്ട് ഒരുപാടു പേർ മെസേജ് അയക്കുന്നുണ്ട്. കുഞ്ഞുങ്ങൾ ഉള്ള സ്ത്രീകൾ വരെ അതിലുണ്ട്. എന്റെ അവസ്ഥയിലൂടെ തന്നെ കടന്നുപോയവരാണ് പലരും. ഇതുവരെയുള്ള ജീവിത്തിൽ എന്ത് പഠിച്ചുവെന്ന് ചിലർ ചോദിക്കാറുണ്ട്. ആരെയും കണ്ണടച്ച് വിശ്വാസിക്കാതിരിക്കുക എന്നതാണ് അതിൽ ഒന്നാമത്തേത്. എന്റെ അനുഭവങ്ങളാണ് അങ്ങനെ പറയാൻ കാരണം.

സുഹൃത്ബന്ധങ്ങളിൽ അടക്കം ഞാൻ ഒരുപാട് ചതിക്കപ്പെട്ടിട്ടുണ്ട്. അതുപോലെ ചാടിക്കയറി തീരുമാനം എടുക്കരുത്. കാര്യങ്ങൾ കൃത്യമായി മനസിലാക്കിയിട്ട് വേണം തീരുമാനങ്ങൾ എടുക്കാൻ. എത്ര ആലോചിച്ച് തീരുമാനം എടുത്താലും നമുക്ക് ചതികൾ‌ പറ്റാം. നീ ഒരു പൊട്ടത്തിയായതുകൊണ്ടാണ് ആളുകളെ കണ്ണടച്ച് വിശ്വസിക്കുന്നതെന്ന് പലരും എന്നോട് പറയാറുണ്ട്. ഏത് സാഹചര്യവും നേരിടാൻ പഠിക്കണം. കുറച്ച് ബുദ്ധിമുട്ടാണെങ്കിലും ആ കഴിവ് നമ്മൾ ഉണ്ടാക്കണം'', മഹീന മുന്ന വീഡിയോയിൽ പറഞ്ഞു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക