ഉച്ചയ്ക്ക് ചോറിന് പകരം ഈ അഞ്ച് ഭക്ഷണങ്ങള് കഴിക്കൂ, വയറിലെ കൊഴുപ്പിനെ പുറംതള്ളാം...
Synopsis
കാരണം ചോറില് കലോറിയും കാർബോഹൈഡ്രേറ്റും ധാരാളം അടങ്ങിയിട്ടുണ്ട്. കാർബോഹൈഡ്രേറ്റിന്റെ അളവ് കൂടുന്നത് ശരീരത്തില് കൊഴുപ്പടിയാന് കാരണമാകും.
അമിത വണ്ണവും കുടവയറും കുറയ്ക്കാനായി കഷ്ടപ്പെടുകയാണോ? എങ്കില് ആദ്യം ഡയറ്റില് നിന്നും ഒഴിവാക്കേണ്ടത് കാര്ബോഹൈട്രേറ്റ് അടങ്ങിയ ഭക്ഷണങ്ങളാണ്. അതായത് ദിവസവും ഉച്ചയ്ക്ക് കഴിക്കുന്ന ചോറ് പോലും പരിമിതപ്പെടുത്തേണ്ടി വരും. കാരണം ചോറില് കലോറിയും കാർബോഹൈഡ്രേറ്റും ധാരാളം അടങ്ങിയിട്ടുണ്ട്. കാർബോഹൈഡ്രേറ്റിന്റെ അളവ് കൂടുന്നത് ശരീരത്തില് കൊഴുപ്പടിയാന് കാരണമാകും. അതിനാല് വണ്ണം കുറയ്ക്കാൻ ആഗ്രഹിക്കുന്നവർ ഉച്ചയ്ക്ക് ചോറിന് പകരം കഴിക്കേണ്ട ഭക്ഷണങ്ങള് എന്തൊക്കെയാണെന്ന് നോക്കാം...
ഒന്ന്...
ബ്രൊക്കോളി- ബ്രൌണ് റൈസ് ആണ് ആദ്യമായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയിട്ടുള്ളതിനാല് ചുവന്ന അരി വിശപ്പിനെ നിയന്ത്രിക്കും. ബ്രൊക്കോളിയും ഫൈബര് ധാരാളം അടങ്ങിയതും കാര്ബോ കുറഞ്ഞതുമാണ്. അതിനാല് ബ്രൊക്കോളി- ബ്രൌണ് റൈസ് ഡയറ്റില് ഉള്പ്പെടുത്തുന്നത് വണ്ണം കുറയ്ക്കാന് ആഗ്രഹിക്കുന്നവര്ക്ക് ഗുണം ചെയ്യും.
രണ്ട്...
ബാര്ലിയാണ് രണ്ടാമതായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ബാര്ലി ഉച്ചയ്ക്ക് കഴിക്കുന്നതും വിശപ്പ് പെട്ടെന്ന് കുറയ്ക്കാനും വണ്ണം കുറയ്ക്കാനും സഹായിക്കും.
മൂന്ന്...
ഓട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. ഒരു കപ്പ് ഓട്സില് 7.5 ഗ്രാം ഫൈബര് അടങ്ങിയിട്ടുണ്ട്. അതിനാല് ഉച്ചയ്ക്ക് ഓട്സ് കഴിക്കുന്നതും വണ്ണം കുറയ്ക്കാന് നല്ലതാണ്.
നാല്...
ഉപ്പുമാവ് ആണ് നാലാമതായി ഈ പട്ടികയില് ഉള്പ്പെടുന്നത്. ഫൈബറിനാല് സമ്പന്നമായ ഉപ്പുമാവില് ഫാറ്റ് കുറവാണ്. അതിനാല് ഉച്ചയ്ക്ക് ഉപ്പുമാവ് കഴിക്കുന്നതും വണ്ണം കുറയ്ക്കാന് ഗുണം ചെയ്യും.
അഞ്ച്...
ആപ്പിള്, പേരയ്ക്ക, ബെറി പഴങ്ങള് തുടങ്ങിയ ഫൈബര് അടങ്ങിയ പഴങ്ങള് ഉച്ചയ്ക്ക് കഴിക്കുന്നതും വിശപ്പ് കുറയ്ക്കാനും വണ്ണം കുറയ്ക്കാനും സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also read: രാവിലെ വെറുംവയറ്റില് ഈ പഴങ്ങള് കഴിക്കാറുണ്ടോ? എങ്കില്, ഉറപ്പായും നിങ്ങള് ഇതറിയണം...