ആരോഗ്യം മെച്ചപ്പെടുത്താൻ നിർബന്ധമായും കഴിക്കേണ്ട 5 പഴങ്ങൾ ഇതാണ്

ദിവസവും പഴങ്ങൾ കഴിക്കുന്നത് ആരോഗ്യം മെച്ചപ്പെടാൻ സഹായിക്കുന്നു. ഈ പഴങ്ങൾ കഴിക്കൂ, ഗുണങ്ങൾ അറിയാം.

നിരവധി പോഷക ഗുണങ്ങൾ അടങ്ങിയതാണ് പഴവർഗ്ഗങ്ങൾ. ദിവസവും പഴങ്ങൾ കഴിക്കുന്നത് ആരോഗ്യം മെച്ചപ്പെടാൻ സഹായിക്കുന്നു. എന്നാൽ പ്രതിരോധ ശേഷി ഉണ്ടെങ്കിൽ മാത്രമേ രോഗങ്ങളെ തടയാൻ സാധിക്കുകയുള്ളൂ. പനി, ചുമ തുടങ്ങിയ അസുഖങ്ങൾ ഉണ്ടെങ്കിൽ ഈ പഴങ്ങൾ കഴിക്കൂ. ഗുണങ്ങൾ എന്തൊക്കെയാണെന്ന് അറിയാം.

1.മാതളം

മാതളത്തിൽ ആന്റിവൈറൽ ഗുണങ്ങൾ അടങ്ങിയിട്ടുണ്ട്. ഇത് പനിയേയും മറ്റു അണുബാധകളേയും ചെറുക്കാൻ സഹായിക്കുന്നു.

2. കിവി

കിവിയിൽ ധാരാളം വിറ്റാമിൻ സി അടങ്ങിയിട്ടുണ്ട്. ഇത് പ്രതിരോധ ശേഷി കൂട്ടാനും ശ്വാസകോശ അണുബാധയെ നിയന്ത്രിക്കാനും സഹായിക്കുന്നു. ദിവസവും കിവി കഴിക്കുന്നത് ഒരു ശീലമാക്കാം.

3. നാരങ്ങ

നാരങ്ങയിൽ വിറ്റാമിൻ സിയും ഫ്ലേവോനോയിഡുകളും അടങ്ങിയിട്ടുണ്ട്. ഇത് ശരീരത്തിന്റെ പ്രതിരോധ ശേഷി കൂട്ടാൻ സഹായിക്കുന്നു. കൂടാതെ ശ്വാസകോശ രോഗങ്ങളെ ചെറുത്തുനിർത്താനും നാരങ്ങ കഴിക്കുന്നതിലൂടെ സാധിക്കും.

4. പൈനാപ്പിൾ

പൈനാപ്പിളിൽ ആന്റി ഇൻഫ്ലമേറ്ററി ഗുണങ്ങൾ അടങ്ങിയിട്ടുണ്ട്. ഇത് ശ്വസന പ്രശ്നങ്ങളെ ചെറുത്തുനിർത്താൻ സഹായിക്കുന്നു.

5. ബെറീസ്

ബെറീസിൽ വിറ്റാമിൻ സിയും ഫ്ലേവോനോയിഡുകളും ധാരാളമുണ്ട്. ഇതിൽ അടങ്ങിയിരിക്കുന്ന ആന്റിഓക്സിഡന്റുകളും ആന്റി ഇൻഫ്ലമേറ്ററി ഗുണങ്ങളും ശരീരത്തിന്റെ പ്രവർത്തനങ്ങളെ പിന്തുണയ്ക്കുന്നു. കൂടാതെ പ്രതിരോധ ശേഷി കൂട്ടാനും ബെറീസ് കഴിക്കുന്നത് നല്ലതാണ്.