ഉയർന്ന കൊളസ്ട്രോളിനോട് വിട പറയാന് ഈ ഭക്ഷണങ്ങള് കഴിക്കാം...
Synopsis
ഭക്ഷണത്തിലും ജീവിതശൈലിയിലും ചില മാറ്റങ്ങള് വരുത്തുന്നതിലൂടെ ചീത്ത കൊളസ്ട്രോള് അഥവാ എല്ഡിഎല് തോത് കുറയ്ക്കാന് സാധിക്കും. അത്തരത്തില് കൊളസ്ട്രോള് കുറയ്ക്കാനായി ചില ഭക്ഷണങ്ങള്ക്ക് പകരം ഉപയോഗിക്കാവുന്ന ബദല് ഭക്ഷണങ്ങള് ഏതൊക്കെയാണെന്ന് നോക്കാം...
ശരീരത്തില് കൊളസ്ട്രോളിന്റെ അളവ് അധികമായാല് അത് രക്തധമനികളില് അടിഞ്ഞു കൂടും. ഇത് ഹൃദയാഘാതം, പക്ഷാഘാതം എന്നിവയ്ക്കുള്ള സാധ്യത കൂട്ടാം. ഭക്ഷണത്തിലും ജീവിതശൈലിയിലും ചില മാറ്റങ്ങള് വരുത്തുന്നതിലൂടെ ചീത്ത കൊളസ്ട്രോള് അഥവാ എല്ഡിഎല് തോത് കുറയ്ക്കാന് സാധിക്കും. അത്തരത്തില് കൊളസ്ട്രോള് കുറയ്ക്കാനായി ചില ഭക്ഷണങ്ങള്ക്ക് പകരം ഉപയോഗിക്കാവുന്ന ബദല് ഭക്ഷണങ്ങള് ഏതൊക്കെയാണെന്ന് നോക്കാം...
ഒന്ന്...
ഒലീവ് ഓയിലാണ് ആദ്യമായി ഈ പട്ടികയില് ഉള്പ്പെടുന്നത്. ബട്ടറിന് പകരം ഭക്ഷണത്തില് ഒലീവ് ഓയില് ചേര്ക്കുന്നത് ഉയര്ന്ന കൊളസ്ട്രോളിനെ തടയാന് സഹായിക്കും. ബട്ടറില് കൊഴുപ്പ് ധാരാളം അടങ്ങിയിട്ടുണ്ട്. ഇവ അധികമായി കഴിക്കുന്നത് ഹൃദയാരോഗ്യത്തെ മോശമായി ബാധിക്കാം. അതിനാല് ബട്ടറിന് പകരം ഒലീവ് ഓയില് ഉപയോഗിക്കുന്നത് കൊളസ്ട്രോള് കുറയ്ക്കാന് സഹായിക്കും.
രണ്ട്...
നട്സ് ആണ് രണ്ടാമതായി ഈ പട്ടികയില് ഉള്പ്പെടുന്നത്. പൊട്ടറ്റോ ചിപ്സ് പോലെയുള്ളവയ്ക്ക് പകരം നട്സ് കഴിക്കുന്നത് കൊളസ്ട്രോള് കുറയ്ക്കാനും ഹൃദ്രോഗ സാധ്യത കുറയ്ക്കാനും ഗുണം ചെയ്യും. അതിനാല് ദിവസവും ഒരു പിടി നട്സ് കഴിക്കാം.
മൂന്ന്...
തൈര് ആണ് അടുത്തതായി ഈ പട്ടികയില് ഉള്പ്പെടുന്നത്. ഐസ്ക്രീമിന് പകരം തൈര് ഡയറ്റില് ഉള്പ്പെടുത്തുന്നത് കൊളസ്ട്രോള് കുറയ്ക്കാന് സഹായിക്കും. കാരണം തൈരില് കലോറിയും പഞ്ചസാരയും കുറവാണ്. അതിനാല് ഇവ ഡയറ്റില് ഉള്പ്പെടുത്തുന്നത് നല്ലതാണ്.
നാല്...
ഡാര്ക്ക് ചോക്ലേറ്റ് ആണ് അവസാനമായി ഈ പട്ടികയില് ഉള്പ്പെടുന്നത്. മില്ക്ക് ചോക്ലേറ്റിന് പകരം ആന്റിഓക്സിഡന്റുകള് അടങ്ങിയ ഡാര്ക്ക് ചോക്ലേറ്റ് കഴിക്കുന്നത് കൊളസ്ട്രോള് കുറയ്ക്കാന് സഹായിക്കും. ഹൃദയാരോഗ്യം സംരക്ഷിക്കാനും ഡാര്ക്ക് ചോക്ലേറ്റ് സഹായിക്കും.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.
Also Read: ദിവസവും കഴിക്കാം റാസ്ബെറി; അറിയാം ഈ ഗുണങ്ങള്...
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം