പഴം കൊണ്ട് കിടിലൻ കട്​ലറ്റ് തയ്യാറാക്കാം; റെസിപ്പി

ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം കട്‌ലറ്റ് റെസിപ്പികള്‍. ഇന്ന് ലേഖ വേണുഗോപാൽ തയ്യാറാക്കിയ പാചകക്കുറിപ്പ്. 

'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.

പഴം കൊണ്ട് കിടിലൻ കട്​ലറ്റ് തയ്യാറാക്കിയാലോ?

വേണ്ട ചേരുവകൾ

നേന്ത്രപ്പഴം - 3 എണ്ണം

നെയ്യ് - 2 ടേബിള്‍സ്പൂണ്‍

കശുവണ്ടി - 1 ടേബിള്‍സ്പൂണ്‍

ഉണക്കമുന്തിരി - 1 ടേബിള്‍സ്പൂണ്‍

ഏലക്കപ്പൊടി - 1/2 ടേബിള്‍സ്പൂണ്‍

അരിപ്പൊടി - 2 ടേബിള്‍സ്പൂണ്‍

ബ്രെഡ് ക്രംബ്സ് - 2 ടേബിള്‍സ്പൂണ്‍

ശർക്കര - മധുരത്തിന് ആവശ്യമായത്

തയ്യാറാക്കുന്ന വിധം

1. പഴം ആവിയിൽ വെച്ച് നന്നായി വേവിക്കുക.

2. കശുവണ്ടിയും ഉണക്കമുന്തിരിയും നെയ്യിൽ വറുത്ത് മാറ്റിവയ്ക്കുക.

3 .വേവിച്ച പഴം നന്നായി ഉടച്ച് അതിലേയ്ക്ക് അരിപ്പൊടി, ബ്രെഡ് ക്രംബ്സ്, വറുത്ത കശുവണ്ടി, ഉണക്കമുന്തിരി, കുറച്ച് നെയ്യ്, ഏലയ്ക്കാപ്പൊടി, ശർക്കര എന്നിവ ചേർക്കുക.

4. എല്ലാം നന്നായി മിക്സ് ചെയ്ത് കട്​ലറ്റ് ഷേപ്പിലാക്കുക.

5. ഇനി അല്പം മൈദപ്പൊടിയിലേക്ക് വെള്ളം ചേർത്ത് ഒരു ലൂസ് പേസ്റ്റായി തയാറാക്കുക.

6. തയ്യാറാക്കിയ കട്ലറ്റുകൾ മൈദ മിശ്രിതത്തിൽ മുക്കി, ബ്രെഡ് ക്രംബ്സിൽ കവർ ചെയ്ത് മാറ്റി വയ്ക്കാം.

7. ഇനി ചൂടായ എണ്ണയിൽ ഗോൾഡൻ ബ്രൗൺ നിറം വരുംവരെ ഇവ പൊരിച്ച് എടുക്കുക. ഇതോടെ രുചികരമായ പഴം കട്​ലറ്റ് റെഡി!